جبت لكم خليه على شكل حلى بس لذيذه بشكل وأتمنى تكون جديد وما هو موجود بالمنتدى
أول شي تسوون عجينة للخلية وطبعاً هذا راجع لكم اللي مرتاحه لعجينتها تسويها
أنا عجينتي
3 كاس دقيق - 2/1 كاس زيت - 1 م ص خميره - 3 م ك حليب جاف - 1 م ص سكر - ذرة ملح - ماء دافي حسب الحاجه
يوضع الدقيق والخميره والسكر والملح والحليب وتفرك بالزيت ثم تعجن بماء دافئ وتترك تختمر بمكان دافئ حتى تختمر
الأن نبدا نصلح الخلية ونحشيها جبن وبعدين ندحرجها في دارسين ( قرفه )
ونصفها في هذي الصينيه
الأن ندخله في الفرن وبعد ما تستوي العجينه نقلب الخلية في الصحن
ونضع في الخلاط حليب مركز نصف علبة و4 حبات جبن كيري وخلطها ثم نصبه على الخلية
وبعدين نحضر شوكلاتة هيرشي أو نأخذ جزء من الحليب المركز ونضع علية شوكولاته ثم نعمل خطوط على الحليب المركز وبالسكين نحرك الخطوط
ندخلها في الفرن وهو مسكر يعني تكفي حرارة الفرن علشان الحليب والجبن يتماسك وفي الأخير تطلع بهالشكل
وصحتين وعافيه