حلى يخرش >>> الطريقة؟؟ رضا ربي عليكم

يا هلا اختي الكريمه ...تباشير

ابشرك الاخت ليل البنادر حاطه موضوع عن حلو اعتقد هذا الي تقصدينه
وهو ( الشباكيه ) حلاوه مغربيه

هذا رابط الموضوع وان شاء الله يكون اللي في بالك

http://forum.hawaaworld.com/showthread.php?t=912016#Scene_1

احنا نسميه زلابيه ولونه مايل للبرتقالي ومشبك ان كان هو اللي تقصدينه عندي لك طريقة منال العالم

:26: اختي زهرة النوير

والله فرحني ردك ... تسلمين يالغالية وان شاء الله اجربه وأتأكد اذا هو اولا بس ما عرفت قصدها بالحبة الحلوة لها مسمى ثاني ؟؟


والله انكم تبردون القلب .. تشكرات عزيزتي .

:26: :26: :26:

هلا اختي دايما محتارة ...

انت تقصدين المشبك الاكلة الحجازية ؟؟ كان هو فما اظن هذا اللي اقصده بس ما استغني عن مشاركتك

ياليت تكتبين الطريقة اجربها ..

ويسعدني مرور الغالين

:26: :26: :26:

تباشير شكلك تقصدين الزلابيا نسميها بالشرقيه كذا وبعض المناطق مشبك

تفضلي ياقلبي ودعواتك لي بالتوفيق وإن الله يرزقني الذريه الصالحه عاجل غير اجل

صح الوصفه للاخت ام عزيزان الله يطول في عمرها



حنا بالكويت نسميها الزلابيا ودول الخليج اضن تسميها بنفس المسمى لكن الدول الاخرى تسميها المشبك

ونحبها اكثر شي في رمضان او بالعيد

وهي من الحلويات الكويتيه القدييييييييييمه

وطعمها لذيذ ومقررررررررررررررمشه (وطعمها مثل القيمات تقريبا )

وانا سويتها لكم وان شاء الله تعجبكم وطريقتها جدا سهله ومقاديرها متوفره



المقادير :

2 كاس طحين ابيض

4 م كبيره زيت

1 وثلاث ارباع كاس ماء دافي

1 م ك خميره

م ص سكر

1 م صغيره ماء زهر

هيل وزعفران

وقليل من الصبغه وطبعا اللون على رغبتك ممكن برتقالي او اصفر او احمر

وشيره

وزيت للقلي




الطريقه :

تخلط المواد الجافه مع بعض ثم نضيف الزيت والماء وتعجن جيدا

تترك العجينه حتى تخمر (انا خليتها لمدة ساعه )

توضع في كيس الكريمه وتشكل على شكل خيوط دائريه في زيت غزير على نار متوسطه

تغمس في الشيره البارده ثم تصفى وتقدم











ولونها على الطبيعه وايد احلى فااااااااقع والطعم لذيذ جدااااااااا كانها من السوق

والكاس هو كاس جبن بوك العادي 240 غ

وعليكم بالعافيه




اهني رسمتها لكم اشلون نصبها بالزيت




اهني سويت لونها احمر