حلى يخلي عيون ضيوفك ورى من حلاته

السلام عليكم ورحمة الله وبركاته
كيفكم بنات حواء هذه اول مشاركه في هذا القسم لي

جايبه لكم حلى يطير العقل مافيه احلى منه

المقادير

اولا الكيكه

2بيض
1/2كاس سكر مطحون
1/2 كاس زيت
3/4 كاس دقيق ابيض
ملعقه كبيره بيكنغ باودر
فانيليا

تخلطينهم بعدين تحطينها في صينيه مدهونه ثم في الفرن

بعد ماتخرج رايحه تهبط شوي لاتخافي

خذي علبه فواكه مشكله وكبي مويتها بعدين صبي الفواكه على الكيكه

بعدين سوي هذه الخلطه

2بيضه
1/2 كوب سكر
1/2 كوب زيت
8 حبات كيري
فانيليا
في الخلاط بعدين صبيها على كيكة الفواكه
بعدين دخليها الفرن وولعي من فوق بس

تراها خياليه جدا ياريت اذا سويتوها تردون علي

كان عندي ضيوف والكل سالني عنها

حتى الرجال فضو الصحون مع ان السفره مليانه انواع ثانيه