كيفكم ؟.. ان شاء الله بخير..؟
جبت لكم اليوم طريقة حلى يهوس ويدووخ
الحلى يشبه طعمه حلاو
الحلى ما ياخذ وقت .. بس يبيله صبر
الكمية تكفي 42 حبة
نجي للمقادير ...
نحتاج إلى :
1- كمية من البندق العادي والبندق المجروش..
2- شكولاته خام 200 جرام..
3 - ملعقتين كبار شوكولاته نوتيلا.
4- من 40 الى 50 جرام زبدة (اي نصف اصبع)
5- قوالب أشكال (تلقون اشكاااااال والواااان خيااال في أبو ريالين )
طريقة عمل الحلى :
1- تحطون الزبدة + الشيكولاته الخام في حمام مائي.. وتذوبونها زي الصورة 2 ..
2- تضيفون كمية من البندق المجروش انا حطيت 200 غرام تقريباً ..
3- تضيفون ملعقتااااان نوتيلا على الخليط لين تصير زي الصورة 5 ..
طريقة عمله في القالب
1 - تضيفون كمية بسيطه جداً في القالب .. عشان يبان الشكل..
2- تضيفون البندق عليه ..
3- تحطون الخليط على القالب
4- وتكملون زي الخطوات الثلاث الأولى ..
5- بعد ما تخلصون تحطونها في الثلاجة لين تجمد مررة ..
الخطوة الأخيرة :
تطلعونها من الثلاجة و تقلبونها .. طبعاً على حسب القالب اللي بتحطينها فيه ..
وبالهناء و العااافية
ان شااااء الله يعجبكم