حليب السعودية السائل للاطفال من سنة ل 5سنوات

فيه حليب سعوديه خاص للأطفال

ايوا فيه

مكتوب عليه من سنة ل 5 سنوات

بس ماادري ممكن يكون مفيد زي الحليب البودرة روناجرو سيميلاك ....الخ


المنتج جديد مو من زمان وانا اللي عجبني انه سائل

فيه سائل وفيه بودرة بس اخذت السائل لو ابغى البودرة كان خليت حليبها

هو نفس شكل الحليب السعودية المعتاد بس هذا مكتوب عليه من سنة لخمس سنوات وكمان مو لازم يتحط في الثلاجة زي العادي

قصدك حليب السعوديه جونيور!!
انا استخدمه لبنتي حتكمل سنتين
ودوبي بديت اعطيها
هو على قولك مريح
انا كنت استخدم لها سيميلاك لكن سعرو كل شويه يغلى
وهي كمان تروح تفتح العلبه وتكب الحليب طفشتني
مع حليب السعوديه ارتححت
حتى ماشاء الله وزنها حلو مانزل بعد ماوقفت السيميلاك بعكس اخوانها
عني ماراح ارجع للبودره لان بنتي كبرت عليه خلاص
لكن انتي شوفي لو ضل وزنها وصحتها حلوه كملي عليه افضل

ايواااااااا عليكي نور هوا جونير

كم رضعة تعطيها ؟؟

بصراحة بنتي الله يصلحها طفشتني تعوديت تصحى وماترجع تنام الا لمن احطلها حليب

مسألة تعود موجوع

ماادري كيف انظم رضعاتها مع العلم انها ماترضع غير في الليل وهيا نايمة وطول النهار ماتشرب شي وحتى اكلها مو قد كدا

ووزنها تمام وحتى ماسبب لها لامساك ولاشي الحمدلله عادي

طيب كويس معناتو الحليب ناسبها ماشاء الله
انا بنتي لاااااااازم تشرب قبل النوم رضعه حتى لو تعشت مسألة تعود برضو
واول ماتصحى كمان
وغالبا بينها رضعتين بس مو في وقت الوجبات
هل بنتك وحيده ماعندها احد اكبر منها!!
لازم تعوديها تاكل الـ3 وجبات
شغليلها اناشيد او افلام كرتون تحبها لحد ماتتعود
اهم شيء ممنوع الرضعات والعصير او اي سناك قبل الوجبه بربع ساعه عشان تاكل كويس
والله يخليها لكي
:)