أكيد الطازج أحسن شي.. أنا بنتي عطيتها من السنة وللحين الحمدلله تشربه..

وبالنسبة للغباء مايخصه بنوع الحليب.. والأفضل تسألين طبيب أطفال مع اني متأكدة بيقولج الطازج أحسن شي.. وطبعا كله يعتمد على الياهل نفسه.. وممكن نيدو للي بعد السنة..

يعني تقصدون الطازج ألي هو الصافي والمراعي وهذيل الطقه صح

طيب ليش بعض الناس يقولون الحليب ألي بعد السنه مثل بروجرس ونيدو هي الأفضل لأنها تحتوي على فتامينات

أما حليب الأبقار مايحتوي ألا على كالسيوم

وشرايكم ياعيوني أنتم

ام تيماء

انت شربي بنتك حليب عادي اللي هو موجود مدري ايش عندكم الصافي مادري الطازج

المهم لازم انت تعطيها فيتامين سوء حليب عادي والا نيدو او اي شئ

انا اعطي اولادي فيتامينات لو نقص شئ الفيتامين يكمل

اختي ام تيماء بنتك تقريبا قريبه من عمر ولدي الله يبارك فيهم جميعا ..

حليب النيدو وأي حليب مجفف + حليب السعوديه

لايوجد فيها الا نسبه ضئيله من الكالسيوم !

بنتك تحتاج للحليب الفرش الطازج وليس طويل الأجل ..

تحياتي

انا ولدي باقي له شهر و بيكمل سنه انشالله

و افكر اعطيه حليب طازج احسن.. و على فكره ولد اخوي ماشالله عليه صحه و مليااااان فديته.. امه الله يحفظها كانت تعطيه حليب طازج من كمل سنه + عسل.. يعني اتحط له عسل ف الحليب.. و معروف انه الحليب مع العسل يعطي صحه و قوه و ايزيد الوزن.. و فلليل تغلي له حلبه مع الحليب و اتحط معاه عسل.. والحلبه تفتح الشهيه و لها فوايد وايد اكيد الكل يعرفها و ماشالله عليه اللي ايشوفه يعطيه اكثر عن عمره.. الله ايخليه يا رب و يحفظه..