حليب كرك لعيون الي طلبوه :)

السلام عليكم خواتي طبعا انا كنت حاطه موضوع في ضيافتي الي بالتوقيع خخخ

وكل طلب مني الحليب الكرك بس لللاسف ماعندي صور لان الكميرا مو متوفره عندي حاليا


بس عندي صور مخزنه من قبل عندي وان شاء الله تعجبكم الطريقه


اولا تاخذين تقريبا 1ونص لتر ماء تخلينه يغلي على النار



بعدين تضيفين السكر والشاهي البودره السكر تقريبا فنجان ونص واشاهي 3 ملاعق كبار








وتخلينه يغلي لمده عشر دقايق وطبعا تضبطين السكر على حسب الرغبه بس حلاته حلو بزياده خخخ




وتضيفين الحليب البوني او ابو قوس الي عندك طبعا علبتين



وتخلينه يطبخ بعد لمده خمس دقايق لين تشوفينه غمق الحليب




وتزلينه بالزمزميه وطبعا تحطين مشخاله فوق



ولاضافه نكهه حطي رشه هيل

وبيكون شكله <<<<