حليت بعض مشاكلي تعالو شوفو شلون

سلام حبيباتي
ما دامك دخلت معناتها عندك مشاكل
والا بس تطمشين:27:
حبيباتي عندي مشاكل حالي حال الكثير منكم
ماخليت طريقه ما حاولت احلها ولا اكو فايده
ابكي ارفس اطير اوقع وانا حالي حالي ماتغير شي
انا مريضه بحسد حسبي الله ونعم الوكيل 00من0شيخ لشيخ 00والدعاء ساعدني كثير الحمد لله
بس حياتي ملخبطه زوجي بيني وبينه حواجز
احمد ربي اللي هداني لذكره منها واموري بدت تعدل

وهذي تجاربي حبيت افيد خواتي الغافلات عن ذكره لعظم هذه العباده واثرها علي حياتنا

اولا قول لا حول ولا قوة الا بالله
كان زوجي كثير الزعل ولا زعل ياخذ اسبوعين ما يكلمني وغالبا علي اشياء تافه ولولا اللي انتم خابرين ماكن يتراجع كنت اتحطم واتالم من سواته ذي لكن ما باليد حيله اسكت عشان المركب تمشي
في مره صارت مشكله ورددت الحوقله 100مره والله ياخواتي ثاني يوم الا هو يعتذر ويحب راسي ومن بعدها كل ما سوا كذا رددت هالكلمات والحمد لله حفيت جبهتي من كثر التعذر ههههههههه

ثانيا الاستغفار وما ادراك ما الاستغفار
كنت مهمله في صلاتي وافتقد للخشوع فيها لاهيه بالمشاكل اللي فوق راسي وكنت اتالم واحاول اخشع بس ماكو فايده
لكن من يوم حافظت علي الاستغفار وانا قاعده وانا ماشيه طول اليوم الحمد لله ذقت حلاوه الصلاه وحسيت فيها وهذي اكبر نعمه احمد ربي عليها غير الراحه اللي بديت احس فيها والرضي بقدري فله الحمد والمنه

ثالثا الصلاه علي النبي محمد عليه افضل الصلاة والتسليم
ما فيه شي يشرح الصدر ويدخل السرور علي القلب مثل الصلاه عليه عليه افضل الصلاة والتسليم
لما اتضايق واحس بهم اذكرها فوق 100مره والحمد لله




الخاتمه حبيباتي كل مشاكلنا نتيجة بعدنا عن ذكر ربنا وعباداتنا اللي غالبا ناديها كعاده
اسال الله لي ولكن الهدايه
واخيرا قولو ما شاء الله وادعولي ان الله يتمم علي نعمته بصلاح اولادي متعبيني حيل :44: