حل جديد وبسيط ومبتكر للازواج المبتليين بالنت والفيس والمواقع الاباحيه

الطريقه هى
اولا
ان تتقرب الزوجه من الله اكتر وتزيد من الصلاه وقراءه القرأن والتسبيح والاستغفار وان تعرف جيدا ان القلوب بين يدى الرحمن يقلبها كيف يشاء وقلب زوجك بين يدى ربك
اااااااااّّه شايفه غضب فوششكم انا باغلي
عارفه انكم بتصلو وكويسين بس اصبرو لاخر كلامى الصبر حلو
ثانيا
ان تختار كل زوجه مكان اوركن فبيتها حسب المساحه تعمله زى مصليه وتحط فيه سجاده الصلاه وتكون من النوع الغالى الحلو وياريت تكون ساده ولونها اخضر علشان تساعد على جو روحانى
وتحطى حامل للمصحف كبير او متوسط وعليه مصحف مفتوح
وتحطى شويه سبح شكلها جميل كدا وطبعا كلنا عندنا منها اشكال واللوان
وتعلقى كام تابلوه فيه ايات قرانيه ولو مافيش مكان هاتى جلده نتيجه وجلديها بورق ابيض واللصقى عليها وغطيها كلها بالايات والادعيه اللى بتتباع عند المكتبات الاسلاميه
وجملى المكان بزوقك وحسب امكانياتك ودايما بخريه وعطريه وعطرى المصليه والسبح والمكان كله بالمسك الابيض او الاحمر او بالتبادل بينهم
وياريت تعمليها فيوم يكون مفاجأه لزوجك واعتربيها من الليالى الرومانسيه الحالمه اللى بنقعد نحضرلها بالايام وساعات بتفشل ياعنى علينا
بس دى هاتنجح ان شاءالله
وياسلام لو عيد ميلاد زوجك او عيد زواجكم قرب ودى تبقى من ضمن المفاجأت والهدايا بتاعه اليوم
ثالثا
ان تضع الزوجه على اللاب توب او الجهاز الخاص بالزوج اللى دائم الجلوس عليه خلفيات اسلاميه باستمرار وكل شويه تغير للاحسن ولو ممكن تنزله على موبايله سيمزات او تقوله انا نزلت حاجات جميله ابعتها لك بالبلوتوث
رابعا
كل يوم وانتى بتصحيه من النوم او وهو راجع من شغله تكونى مشغله القرأن المرتل بصوت هادى وواضح مع تشغيل بخور وتقوليله انا بحب احفظ البيت واحفظك من كل شر وبحصنا من الشيطان والعين
خامسا
لاتواجهى بل استخدمى هذه الطريقه فقط مع الاهتمام بنفسك ومحاوله عدم التقصير


ومكن كتير مننا يسأل ودا علاقته ايه بالمشكله
هاقولك ان ووجود شئ زى كدا فبيوتنا بيبقى بمثابه تنبيه لضمائرنا جميعا واحراج للزوج وان كان عنيد هتلاقيه قلل من افعاله بسبب رؤيته لهذا المكان الروحانى
كمان ان وجود مكان مبارك بوجود القرأن والمصليه والسبح يجعلنا دائما نتذكر الصلاه ونجود فيها ونتقى الله ويجعل الله يبارك لنا فى بيوتنا ويجعل اولادنا ينشأون على طاعه الله واستحباب مكان الصلاه والذكر وكون هذا المكان بمثابه جاذب لنا للاكثار من الطاعه والعباده وبالتالى يبقى ارضينا الله وحلينا ولو حزء من مشكلتنا وسنينا سنه حسنه سوف نثاب عليها بأذن الله


وياريت كل بنت مقبله على الزواج تعمل حساب لهذا الركن او المكان فى بيتها الجديد وتدخل وتبتدى حياتها الزوجيه بالصلاه فيه وتكون بدايه خير
منقول