منوووسه @mnooosh_1
عضوة
حل رائع لتساقط الشعر .....شوفوا وان شاء الله بتدعولي/اكتفى من الردود
انا راح اقولكم قصتي مع تساقط الشعر وهي انه انا شعري بطبيعته عادي يعني مو غزير بس بعد الحمل والولاده بيصير يتساقط بشكل مو طبيعي وانا الان عندي خمس اطفال وفي كل مره بعد الولاده تقريبا بثلاث شهور يبدأ شعري بالتساقط وانا عارفه انهم بيقولوا انه هذا أمر طبيعي لانه زمان رحت لدكتور وسألته وقال عادي ....وبالفعل بعد أشهر مو عارفه كم بالضبط بيرجع شعري يطلع بس بصراحه هذه المره ما عندي صبر اني استناه يطلع براحته خاصه انه تساقطه كتييييييييييييييير يعني والله العظيم وبدون مبالغه كنت لما اتمشط بعد الاستحمام يكون الشعر اللي طاح يملأ يديني الاثنين وهما مفتوحين ...حتى بنتي لما مره شافت المنظر خافت وفكرتني قصيت شعري وزوجي بيقول يا خوفي تصيري صلعه:(بعدين قلت لازم أدور على أي حل وبصراحه أنا ماعندي صبر على الزيوت وهذه الاشياء يعني أبغى شي سريع وسهل ..وفي 14 رمضان بالتمام قلت خليني اروح الصيدليه وأسأل عن أي شي ينفعني وبالفعل رحت وقلت للصيدلي اني ابغى شي لتساقط الشعر وقلتله انه بعد الولاده عشان ما يفكر انه مرض وقال هذا شي طبيعي خذي فيتامينات قلتله اني باخذ نوع اسمه (استرسس تيبس) قال كويس وانا قلتله مو كفايه ابغى شي احسن فأعطاني بخاخ للشعر شفاف زي المويه وريحته حلوه زي العطر وقال هذا كويس وهو من شركه فرنسيه ويوضع مره او مرتين في اليوم على فروة الرأس وتدلكي شويه وخلاص ما يحتاج انك تغسليه ..انا قلت في نفسي هذا المطلوب وشريته وهو سعره 100 ريال بس مو مهم المهم النتيجه وبدأت استعمله مره في اليوم في الصباح قبل ما أتمشط واتفاجأت انه بعد خمس أيام فقط لاحظت نتيجه واضحه وكمية الشعر المتساقط صارت ربع اللي كانت قبل وبعد تقريبا اسبوعين صار الشعر اللي ينزل عادي جدا يعني يدوب كم شعره في المشط والله قلت ان شاء الله زي ما استفدت لازم افيد غيري لانني بصراحه فرحانه كتير من النتيجه وما كتبت الموضوع الا بعد شهر من الاستعمال عشان اكون متأكده وأقدر أفيدكم .حتى ماما قالتلي أجيبلها علبه عشان شعرها خفيف بس لسه ماصارلها ألا 3 أيام تستعمله وان ساء الله تستفيد زيي...معلش على الاطاله بس انا قلت لازم اقول كل شي بوضوح وانا نزلت صورة البخاخ في العلبه وخارج العلبه وكمان صوره فيها المكتوب على العلبه وان شاء الله تطلع الصور...وعموما اسمه فوركابيل لوشن مقوي الشعر وانا حاليا بعد شهر من الاستعمال صرت أحط 3 مرات في الاسبوع لانه صار شعري ممتاز واشتريته من صيدلية نورا ويمكن في عند النهدي لانه عندهم كل شي بس اذا ما لاقيته شوفوا في صيدلية نورا معروفه في جده ...قريبه من مستشفى فقيه...وأخيرا اللي عندها أي سؤال أنا جاهزه بس ادعولي الله يرزقني اللي في بالي وشكرا للجميع.
72
39K
هذا الموضوع مغلق.
الركاده زينه
•
جزاك الله خير على افادتك
الصفحة الأخيرة