اولا السلام عليكم ورحمة الله وبركاته
ثانيا : وانا اقرأ الكثير من المشكلات في هذا القسم والاقسام الاخرى استغرب ان ما في وحده اذكرت هالبرنامج العلاجي والسريع للمشكلات واغلبية الحلول كانت تعتمد على النصح الدنيويه
الان ابي كل وحده عندها مشكله او مصيبه مؤرقتها تنطر الساعه الواحده ليلا
تقومين تتوضين وتصلين ركعتين بخشوع
تسلمين ثم تاخذين ورقه وقلم
تكتبين مشكلتج بورقه بشرح مفصل وشنو مشاعرها وشنو اللي تخاف منه كل شي لا تخلين شي بقلبج يعني حاولي بالتفصيل الممل
بعدين بعد الانتهاء راح تحسين ان مشكلتج صغيره وما هي بالحجم اللي كنتي تحسين فيه واهي بقلبج وقومي احرقي الورقه وقطيها بالزباله راح تحسين براحه مو طبيعيه ( لا تتهاونين بهالطريقه تراها مهمه للعلاج ) بعدها استغفري الله الف مره وقولي هالدعاء( يا ودود يا ودود يا ودود ياذا العرش المجيد يا فعالا لما تريد اسالك بنور وجهك الذي ملا اركان عرشك وبقدرتك التي قدرت بها علي وبرحمتك التي وسعت كل شي ان تحل مشكلتي ( وتذكرها)
وتكررالدعاء 3 مرات وبعدها يا ارحم الراحمين 3 مرات رافعه يديها للسماء عاليا وتذرفين الدموع لله تعالى لا تخشين من احد يشوفج او تستحين من احد اخشعي لربج.
بعدين روحي نامي
وتحري صلاة الفجر ونبهي تلفونج ديريالج تنامين عن اهم صلاتين الفجر والعصر لانها اهي اللي تقطع الرزق
وصلي الفجر بوقتها واقعدي اقري البقره لما تشرق الشمس واقري الاذكار ونامي كم ساعه
مارسي حياتج طبيعي ولما ياذن العصر على طول صكري عليج الغرفه خلي كل شي بيدج واتجهي لربج امسكي الاذكار واقريها بعدين اقري البقره كامله واستغفري الله لمن ياذن المغرب
اكثري الصدقات , تسامحي من الناس اللي ظلمتيهم او اغتبتيهم ترى لهم حوبه يمكن اهم اساس المصيبه اللي انتي فيها , نظفي قلبج من الحقد والحسد وحاولي تمدحين الناس اللي ذميتيهم في المكان اللي ذميتيهم فيه وعند نفس الناس عشان الله يقبل توبتج,حاولي تشترين جهاز اي باد وحملي فيه القران كامل وخلي السماعات شغاله باذنج كل اليوم وانتي طالعه وانتي تشتغلين بصراحه متعه وراحه نفسيه وراح تلاقين نفسج حفظتي القران بدون ما تحسين
حاولي تكررين هالطريقه يوميا لمدة شهر وراح تنصدمين بالنتيجه والله سريع الفرج . هالطريقه جربوها ناس كثار من ضمنهم انا وغيري صج سحر حلال
رفيجتي تطلقت وايست من رجعت زوجها وسوت هالطريقه شهرين ورد زوجها والحمدلله هداه الله وغيرها اختي مرضت وتعبت وسوت هالطريقه ما شالله السكر راح واللي يقولون صعب يروح والحمدلله بصحه وعافيه وجارتنا ما تحمل صارلها 10 سنين ما شالله سوتها واحملت على طول , هالطريقه اعجاز وسبحانه اللي كل شي بامره والدعاء يرد القضاء
وشكثر ناس حاشهم من هالطريقه الفرج والعافيه
جربوها وادعولي والحمدلله هذي طريقتي من شفت فايدتها الان ما يمر يوم الا اسويها بالاول كنت اتثاقل واستكثرها لكن الان الحمدلله اصلا ما احس بالراحه اذا مر يوم وانا اخللت بشي من هالبرنامج له حلاوة مو طبيعيه
بعد هالطريقه صارت حياتي فرق شاسع وين كنت وين صرت اللهم لك الحمد
وصدقت الايه الكريمه ( ومن اعرض عن ذكري فان له معيشة ضنكا)
الاعراض عن الذكر سبب المشاكل والمصائب والذكر والتقرب لله سبب لسعة الرزق والسعاده الاسريه وفي الحياة والممات اللهم ارزقنا رؤيه وجهك الكريم ولا تحرمنا منها امين
منقووووووووووووووووووووووووووو ووووووووووووووووول ...
دعواتكم بظهر الغيب....
يلزم عليك تسجيل الدخول أولًا لكتابة تعليق.
حوورررررررررررر
•
جزاك الله خير
الصفحة الأخيرة