حل سريع وسهل للسمنه

السلام عليكم ورحمة الله وبركاته

هلا والله يابنات يادبيبات والله اني فرحانه مره لاني لقيت حل للسمنه ما كنت متوقعته :icon28:


واليكم السالفه بالتفصيل

اختكم في الله اللي هي انا ( رامّه ) يعني الصحن اللي قدامي استخدم معه سياسة يا قاتل يا مقتول11retcher

ياأدوخ من الشبعه ويكتم نفسي والا امسح ابوه واللي حواليه (صحون عيالي )واخذ لفه على القدر يمكن شي ماشيات


لازق بالقدر اتفاهم معه بطريقتي :32: باختصار 0000 الاراده صفر وتأنيب الضمير ميه


طول حياتي بسوي رجيم بس بشرط يوم السبت00000 وسبت ورا سبت متى بيجي هالسبت الموعودboom:


في يوم من الايام امي شافت برنا مج في الاخباريه يمدح مشرووووب عاااااادي في بيوتنا ومن ساعتها وهي تقول لي عنه كل اربعاء تشوفني تمدحه وانا حتى الاربعاء السابع قلت أجربه 00 استخدمته ياعليه ريحه

مخيييييس بس اتجرعه كلما دوخني الأكل :09: لعل وعسى القى نفسي الصبح انافس نيكول كيدمان


في السلاقه , المشكله ان المشروب لازم بعد كل وجبه 000000 والله العقوبه


المهم صرت اتعصر icon810:وعيالي كل من مر جنبي قال ييييع وش هالريحه ما يعرفون وين مصدرها
:09: وعمك اطرم كانه مهوب انا0


في هالفتره هجومي عالاكل خف (لاحظوا انه خف) قلت في نفسي يمكن السبب اني انشغلت مواعيد مستشفى

ومناسبات 000


في يوم من الايام أحد مكونات المشروب خلص ولا فضيت اشتريه وتركت المشروب وشوي شوي لقيت نفسي رجعت ارمرم واشيك على الصحون 00ماتقولين الامكنسه كهربf226: 000 اعوذ بالله اكل واتحسر


رجعت بي الذاكره لايام ذاك المشروب فقلت لعله السبب ؟!!!! اي بالله هوّّّّّّّ !!!!! الا هو !!! الا ونص هو icon810:

وطيران اشتر ياولد الليمون وفي الكاس ملعقة الكمون في ماء ساخن وعليه عصيرك ياليمون


وتمتعي بالخياس 000ميزات هالمشروب انه يسد النفس, بمعنى اخر يقلل الشهيه هذا غير طرده للغازات وتكسير ه للدهون


هاه عرفتوا وش مكونات المشروب؟