حبيت افيدكم يا بنات حواء
اكيد مشكلة سواد الابط تعقد الكل و انا جربت بلاوي وايد وايد وايد
و شريت و خسرت كريمات بالهبل و بمبلاغ كبيره
لدرجه مره شريت كريم مبيض قيمته 70 دينار ولا شفت اي فايده منه
اخر شي رحت لدكتورة صيدلانيه و سالتها قتلها ابي شي مضمون
قالتلي علاج سواد الابط
يحتاج لـ 4 شغلات:
1- كريم تبييض
2- كريم يقلل صبغه الملانين
3- كريم مقشر
4- و اخر شي كريم ترطيب خالي من اي عطر
تخلطين كل يوم نقطه من المبيض مع نقطه كريم صبغه الملانين لازم تكون الكميه متساويه و تدمجينهم بايدك و بعدين تحطينه مره الصبح و مرة بليل
و يوم و ترك تضيفين على الخلطه نقطه مقشر المقشر مو كل يوم يوم وترك بس
و قالتلي الخلطه هذه تستعملينها لاي مكان بجسمك ركب كوع منطقه حساسه وجه
بس في شروط للوجه انج تحطين المقشر مرة بالاسبوع و بليل قبل لا تنامين بس
و لا يكون تطلعين بالشمس اذا حطيتي الكريمات لازم تكونين بالبيت يعني مو تحطينها و تروحين الدوام
و اذا للوجه لازم تستعملين كريم واقي للشمس
و سالتها قتلها ليش سبب السواد باجسامنا ؟
قالتلي :
1- جفاف الجو لذلك لازم نرطب كل شي بجسمنا حتى المنطقه الحساسه و الابط
2- تعرق لما تعرقين لا تخلين البلوزه عليج غيريها تنشا بكتيريا فتسود الابط
3- استخدام العطور و الكريمات و الديورنت المعطر
4- عدم تعريض المنطقه للهواء
5- عدم وجود الشمس قتلها صعبه الشمس قالتلي لبسوا حفر و وقت النوم مو لازم الاندورير
قالتلي فترة العلاج راح تبتدين تشوفين نتيجه حلوه خلال 10 ايام و استمري من شهر الى شهرين
و على فكره ماله اي اثار جانبيه حتى انها تصلح لوحده ترضع بس ما ننصح الحامل فيها لان جسمها مراح يستجيب للعلاج بسبب الهرمونات
و العلاجات بحطها لكم
1- كريم التبييض سعره تقريبا 3 دنانير و اسمه
Eldoquin Forte 4%
2-كريم التقشير سعرها تقريبا دينارين
Retin-A
3- كريم تقليل صبغة الملانين سعره 13 دينار
Depiderm
4- و اخر شي كريم الترطيب الغير معطر سعره 6 دنانير
Xemose
و طبعا لازم الترطيب مو تنطرين لما جسمك ينشف بعدين ترطبين لا على طول رطبي اول ما تسبحين و هو بعده مرطب ولا تنسين تر جقاق الجلد يسوي سواد
و تر كريمات التبييض تسبب الجفاف اساسا فاذا ما رطبتي معناته ماكو فايده من علاجك
و خلال الفتره هذه ممنوع استخدام الديورنت
و اذا احتجتي اشتري اي ديورنت مو معطر من الصيدليه
ولا تنسون تدعون لي انه ربي يسخرلي زوجي و ذريتي و الارض و من عليها