مساء / صباح الخيرات والمسرات لبنات حواء
اليوم بريح اي وحده تعاني من شعرها انه مايتجعد او يتجعد ويتفتح اذا وصلت العزيمه
الطريقه سهله مره وماتحتاج ادوات وحوسه وماتاخذ وقت
يلا نبدا..........
1/ تروشي واستشوري قصتك ( غرتك )
2/ اختاري التسريحه المناسبه وسرحي شعرك من قدام قبل ماتحطي عليه جل لانك لو حطيتي عليه جل ماراح تقدرين تسرحينه
3/ قسمي شعرك حسب مقاس التجعيد اللي تبين
*( اذا تبين تجعيد صغير زي الكيرلي قسمي شعرك خصل صغار وادهني كل خصله بالجل او الرغوه وجدليه من الجذور وشدي الجديله واربطي الطرف بمطاط )
*(اذا تبين تجعيد كبير ومشابه للتكسير قسمي شعرك خصل كبار وادهني كل خصله بالجل او الرغوه وجدليه من الجذور وشدي الجديله واربطي الطرف بالمطاط )
4/ مرري الاستشوار عليه لين ينشف وممكن تروحين للمناسبه وهو مجدل وبعدين تفتحينه بس اهم شي لازم ينشف واذا تبينه للدوام سويه من الليل يكون احلى واذا فتحتيه رشي عليه سبريه ( مثبت الشعر )
وهذي النتيجه للي يضبط معها
اتمنى اني افدتكم وكل اللي ابيه انكم تدعون لي ان ربي يسهل ولادتي ويبعد الخوف
