حل لمشكلة عدم نوم الأم؟

معانات أم وعدم النوم خطييييييييييييييييييرة لدرجة لا يتصورها العقل والدليل ما تعانين منه عزيزتي الام من عدم النوم والسبب طفلك بكل أختصار ساكتب لك ما فعلته مع طفلي والحمد لله الطريقة ريحتني حيييل :


أولا : لا تعطين طفل حليب بالليل =1- البديل تعملين للطفل رضعت أعشاب ( ينسون- او كمون أو تمر أو أي أعشاب أنت تعرفين أنها مناسبه لطفلك ) أنا أعطيه ينسون بالليل لأن ينسون مهدي لطفل والأعشاب بشكل عام مهدي للكبار فما بالك بالطفل.

2- رضعه ماي وسكر
تجهزين الرضعتين وتخلينهم عندك إذا صاح بالليل تعطينة احد الرضعتين لمدة ثلاث أيام هذي الطريقة راح يتعود معاك بعدين راح يزهق لأنه راح يعرف إن بالليل مافية حليب فراح تطول فترة نومه من 3 إلى 4 ساعات بالليل ولكن جمدي قلبك ولا تقولين حرام يبي حليب قولي حرام في نفسي أنا إللي ما قاعد أنام وتعبانه نفسيا وجسديا من قلة النوم واهملت نفسي وبيتي وزوجي وأنت راح تعوضين هذا النقص بالنهار بالحليب ويقول الدكتور الخاص بطفلي أن الحليب بالليل للاطفال مو زين لأنه هو السبب إللي ما يخليهم يرتاحون وينامون .



ثانيا: من بعد نومتة الظهر بعد ما يخلص ساعة 2 الساعة 1 الساعة 12 متى ما خلص نومة ووصل وقت الظهر خلاص ما فية نوم إلى ساعة 7 تلاقينة واصل حدة يبي ينام ويقعد اليوم الثاني الساعة 5 الفجر على صلاة الفجر وتكونين ظربتي عصفورين بحجرنوم ونهوض لصلاة الفجر .

ولا تنسين تستمتعين بطفلك عندما يصحو من النوم خصوصا الفجر .


وتمنياتي القلبية بنوم هانئ لك ولطفلك ولا تنسين إذا نام طفلك بسرعة عوضي النقص إللي عندك وخلي كل شي ونامي حتى زوجك خلي يتعاون معاك ويتفهم لما تعانين منه .