يعطيك العوافي ،ماقصرتي ، أسأل الله تعالى لك ولمن تحبين تمام الصحة و العافية ، و كله في ميزان حسناتك ان شاء الله
هي الان مخلصة الكيماوي من اكثر من شهر، و متوقعة عملية عن قريب ، و لانها مو مقتنعة بتأثير الاكل على المرض قاعدة احاول اسايرها و اخليها على هواها على الاقل لين تخلص فترة العلاج ، وبعد كده اتكلم معاها تاني في موضوع نظام اكلها ، بس ياا ريت لو تفيدينا بالاغذية اللي تساعد في سرعة تنظيف الكبد والجسم من سموم واثار الكيماوي .

تسلمين اختي حامده علي هلدعوات والكلام الحلو
ماشالله عليك واضح انك مهتمه بقريبتك كثير الله يشافيها ان شالله يارب
حبيبتي الي اقوله مو مني الرسول صلي الله عليه وسلم
قال ان المعده دار الداء ولدواء بس للاسف هلكلام نسيناه واستبدلنا مكانه الادويه
الكيماويه الي اغلبها تضر اكثر من ما تنفع مثلا انا في البيت للزكام وارتفاع الحراره والم البلاعيم
لي ولعائلتي مجرد اني اسوي كاسه عصير ليمون فرش مع ملعقه عسل مع شويه ماي خلال نص ساعه
ننسي شي اسمه زكام وحراره والم بلاعيم وربي بس الي ياخذ ادويه يجلس اسبوع وهو مريض
حاولي تقولين لها اذا عدلت نظامها الغذائي ماراح تخسرشي اذا مانفعها ع الاقل ماراح يضرها ان شالله
وعشان تنظيف الكبد ممكن تاخذ زنجبيل مطحون تخلي مع الاكل زي اي بهار ثاني واذا تستحمل معدتها
ممكن تعصر الزنجبيل وتاخذ باليوم ملعقه مع كاسه ماي اوالليمون برضو ممكن تاخذ باليوم
كاسه عصير ليمون فرش والجزر برضو يساعد في تنظيف الكبد ان شالله
وفي رجيم سوائل ممكن تتبعه لمده 3 ايام يعني بس شوربا وعصيرات وغيره بس ماضنتي راح توافق تمشي عليه
واهم شي تكثر من شرب الماي لانه يساعد في دفع السموم من الجسم

مشكورة يا عزيزتي و جزاك الله خير، الطبيب اخر لها العملية لان تحليل الدم عندها اظهر ضعف الكريات البيضاء و اعطاها فرصة اسبوعين لاعادة التحليل ، ولما سألناه عن شي يرفع المعدل -نجاح يعني-!! قال مافي شي غير انه يخف تأثير الكيماوي في الدم ، فإن شاء الله راح اتابع معاها تنظيف الكبد زي ما وصفتي ، وادري اني ثقلت عليك بس لو ممكن تفيدينا بخصوص رفع المناعة و تصليح صورة الدم .

اهلا اختي حامده ماطلبتي شي
عشان الكريت الدم البيضا ممكن تاخذ بطاط او برتقال او بروكلي
طبعا البروكلي في فيتامين c ثلاث اضعاف الي في البرتقال و
شغله ثانيه هي انها لازم توقف الدهون نهائي لانه يمنع تكثير الكريات البيضا
في حاجه ممكن تستغربي منها هي انه المساج يزيد نشاط كريات الدم البيضا
يعني ممكن هي تسوي مساج ليدها ورجولها وبطنها مثلا الصباح او بعد الاكل
وان شالله تتنشط عندها كريات الدم البيضا وتتشافي يارب

تشكرات يا مرمر ، امس استنفدت مشاركاتي وما قدرت اشكرك ، وربنا يزيدك علما ومعرفة ، و ما تنسينا من دعواتك