حل مشاكل البشرة العجيبة

حبيبتي لو رحتي اشتريتي مجموعه من زين الاتات واستخدمتيها في مواعيدها وبحذافيرها
والله اسبوعين وتلقي لق...رح اقولك عليها:

المجموعه: (كريم الليل-كريم النهار-صابونة حبة البركة-الثلاثي- شراب الزعتر)

شوفي ياقمر اول شي لازم تشتري من مركز ومثوق عشان لا تاخدي
مستحضرات مغشوشه.

تاني حاجه استخدمي الاشياء زي ماهي ولا تزودي ولا تنقصي وبعدين تشتكي..

1-الصابونة بــ 30 ريال تغسلي فيها 3 مرات باليوم :قبل ماتحطي كريم الليل واول ماتصحي قبل كريم النهار
وكمان في نص اليوم..

2-كريم الليل بـ 100 ريال في الليل قبل ماتنامي تغسلي بالصابونة وبعدين تحطي منه قليل توزعيه على البشرة وتنامي.

3- كريم النهار بــ 85 ريال اول ماتصحي تغسلي وجهك بالصابونة وبعدين تحطي منه برضو قليل وتوزعيه على بشرتك واذا
كنت تخرجي الصباح (اشتري برضو من زين واقي الشمس)وحطي منه فوق كريم النهر ..

4- شراب الزعتر بــ 100 ريال هوه مرا مركز بس مرا كويس لانو ينظف الجسم من الداخل ويمنع ظهور الحبوب وتطلع كل السموم
الي في جسمك مع البول الله يكرمك..تشربي منه 3 مرات باليوم بنفس الغطاع تبع القارورة(مقدار غطائين).

5- الثلاثي ..وتستخدميه بعنايه فائقة لانو يحتوي على اكسيد ماتحطي منه الا على وجهك بس وتجنبي حول العينين
ولاتكثري الكمية ولا تحطي منه قبل ما تخرجي في الصباح(يعني ماتتعرضي للشمس) وطبعا ما تستخدميه الا بعد ماتروح الحبوب
يعني لما تخلصي (كريم الليل والنهار والصابونة والزعتر )تبداي باستخدام الثلاثي..عشان كدا
مو لازم تشتريه من بدري..

_ ملاحظات هامه:
بداية ال علاج رح تطلع كل الحبوب الي في وجهك بس لا تتفجعي وتحسبي ان بشرتك اتهيجت لا هوه كدا العلاج
بعدين رح تختفي تماما بس انتي اتبعي الوصفه تمام
بالنسبه للزعتر تقدري تستخدميه طوال حياتك لانو مرره مفيد.

واي استفسار انا حاضرة