كيفكم يا احلى حوائيات
طبعا مثل ماهو مبين بالعنوان انا عندي غسالة ميتاج ومبسوطه عليها وكل شي تمام، بس كان قاهرني فيها انها بعض الاحيان تعلق وتستمر تصب ماء وتصرفه بنفس الوقت، وطبعا حرااام هالشي هدر للماء والصابون غير فاتورة الماء اللي ترتفع بسبب هالمشكله لان غسالتي بالسطح وتطول وهي تصب وانا مادريت عنها، المهم اني قررت اني القى حل لهذي المشكله وجلست ابحث كثير في كتالوج الغساله + بحثت بالنت بالذات بالانجليزي ولقبت انو كثير يتشكون من نفس المشكله، وان حلها سهل جدا وذلك لعدم الدقه التامه اثناء تركيب الغساله، المهم الحل كما يلي:
شوفوا هذي الصوره
هنا حاطين لكم انبوب التصريف حق الغساله داخل جوا ماصورة التصريف، وحاطين انو ارتفاع هذي الماصوره عن الارض لازم يكون اقل شي 30 انش، طبعا عندي بكتالوج غسالتي حاطين انو طول هالماصوره لازم لا يقل عن 32 انش ولا يزيد عن 60 انش، فلو كان اقل او اكثر راح يصير مشكله بالتصريف، طبعا عندي وجدت ان هالماصوره اقل من 32 انش بكثييييير، وهذا كان سبب تهريب الماء.
شوفوا هذي الصوره برضوه
بهذي الصوره حاطين انو انبوب التصريف سواء كان داخل جوا ماصورة للتصريف او حوض للتصريف فلازم الانتباه لهذي النقاط:
في نهاية انبوب تصريف الغساله فيه زي السفطات، المفروض انو هذي السفطات تنسحب كللللها، وبعدين تتشكل على شكل حرف U بس مقلوب بشكل كويس وبعدين يدخل راس الانبوب فقط في الماصوره او الحوض، ويجب الانتباه انو مايدخل كثير عشان ما ينزل عن الارتفاع المفروض اللي سبق شرحته، وبرضوه المفروض يتثبت الانبوب بالماصوره او الحوض زي ماهو مبين بالصوره.
اذا يجب الانتباه لثلاثة نقاط في انبوب تصريف الغسالة عشان مايصير عندنا مشكلة في تصريف او تهريب الماء:
1- ماصورة التصريف او حوض التصريف اللي يدخل فيه انبوب تصريف الغساله يجب ان يكون ارتفاعه عن الارض لا يقل عن 32 انش ولا يزيد عن 60 انش.
2- يجب سحب كل السفطات التي في نهاية انبوب التصريف ومن ثم تشكيله على شكل حرف U مقلوب بشكل كويس حتى لا يكون هناك اي انسداد، وثم ادخال راس الانبوب في الماصورة والانتباه انها ماتنزل كثير حتى لا تعدي الـ 32 انش.
3- تثبيت الانبوب في ماصورة التصريف او حوض التصريف مثل ماهو مبين في الصوره الثانيه.
أتمنى ان شرحي يكون واضح وانو تنحل هذي المشكله لمن يعاني منها مثل ما انحلت عندي
دعواتكم حبوبات وفي امان الله
:26: