الركب الورديه حلم كل فتاه سعوديه..
--------------------------------------------------------------------------------
طبعا معروف أن الركب السود علامة الجوده السعودية (تخصص صبايا )طيب والشباب؟
الوجية و الركب
يوم كنت صغيره كنت دايم ابلش امي
يمه ليش ركبتي مو مثل ركبة حصة بنت خالتي بيضا تلمع <<حصة طبعا وحده من خيالي ولا اصلا مافي ركبة سعودية بيضا
امي:
روحي قطعي بصل لاتبلشينا
-يماااااه
طيب ارفعي معنوياتي شوي
وترد امي بكل مااوتيت من قوه:
يعني قلّت ؟
مابقى الا ركبتك تبلشين فيها
انتي بكبرك خلف خلاف
رديت من القهر:
-طالعه عليك
ولا انتبهت الا ذا الصندل اللي يمشي مليون يطبع على خشتي
وتمر الايام وتمر السنون
وركبتي حالفتن عليها كل يوم تسود عن اللي قبله
لين كبرت انا وكبرت ركبتي وصارت اسود مقلم برمادي
كنت قاعدة مره وحاطه رجل على رجل
وكانت ركبتي تويق
ووحده قدامي تطالع فيـّـه
والركبة عادة اذا سفطتيها (حطيتي رجل على رجل )تنمط وتصير افتح
انا العكس
اي حركه تضرب في المليان
وانا اقز وهي تقز
المشكله مااستحت ولانزلت عينها
وانا مستغربه ايش قاعده تطالع
يوم استوعبت وانا اللي اغطي ركبتي بسرعه
وتلفتت على اللي جنبها وتقعد تحش
وتضحك
لاحووووول
وش الحل مع هالسواد
فشلنا
ماخليت لاكريم ولا فازلين ولا زيت الا ودهنت ركبتي فيه بس مافي فايدة
لين توصلت لخلطة ممتااااااازة
اختي الكريمه
ياام ركبه سودا
هل تريدين ركبة اطلق من ركبة نانسي عجرم؟
انقهروا يابنات
جددي حياتك بهذه الخلطة
إليك اختي خلاصة تجربتي مع هذه الركبه
ملعقة فازلين + ملعقتين كلوركس + خمس ملاعق فلاش + ملعقة فير اند لفلي .. ولاتهون موية النار
اخلطيهم مع بعض وادهني ركبتك ..هي مره وحده بس بعدها مانتيب لاقية ركبة سودا.. هذا اذا لقيتي ركبة اصلا
(افرضي الركبة صارت ورديه وش شعورك بالضبط في هذه اللحظه)<< طراه بنت ابن عجرم
من جهتي
لو ركبي وردية اول شي بسويه بزاعلكم <<الناس احلامها ملايين وانا ركبة الله يخلف على امن جابتني
ثاني شي بسويه
بسوي حفل استقبال للركب البيض وشرط كل وحده تدخل لابسه قصير (ممنوع اصطحاب الركب الملونه)
اصلا موب حلو الركبة تكون بيضا (اللي مايطول العنب)
وعععععع ركبة ذي ولا قلة حيا
اصلا بيكون وقتها الساق والفخذ حيسي بيسي ماتعرف تحدد وين موقع الركبة بالضبط يعني لو ركبتي لاسمح الله بيضا
برسم عليها سهم واكتب(هنا ركبة ) عشان مااضيّع مكانها
بعدين احلى شي .. تلقون درجات الابيض الى الاسود موجوده في الشخص الواحد .. يعني من كل بحر قطره
..............................
انهضوا ياشباب امتي الضائع (لماذا الدقم)
الدقم وماادراك مالدقم
ترا ماضيعنا الا هو
دقم = ان تدقم الشخص اللي قدامك بمحاولات لتتزعزع ثقته في ركبته
طيب ربنا خلقنا ركبنا سود وحنا راضين انتم وش دخلكم؟ (خشة وحدة منفقعة مرارتها)
اللي موب عاجبه يشرب من البحر,, واللي عاجبه اردى له
والآن ايها الشاب الفاضل
هل تتزوج من ركبة سوداء علما بأن وجهك اخي الكريم عبارة عن ركبه (يابخت من وفق ركب في الحلال)
مايستفاد:
1-ايها الشباب الكريم الى متى التدقيم < لاحد يفهم غلط..بالدال تراها ..ولا الراء هين غاسلين يدينا منكم
انت ايها الشاب فيك عيوب الدنيا .. نعم عيوب الدنيا
لا ويجيك الواحد يتشرط يبي ركبة بيضا وهو وجهه ركبة
2-انا مانيب مسؤوله عن اي محاولات مستدلخه من دلخة رمى بها اليأس لتنفذ محاولاتي البائسة على نفسها
3-كل واحد يطمح على قد مستواه لايشطح بعيد
عالعموووم الموضوع للفرفشششه :hahaha: ولاوحده تاخذ بخاطرها زي هذيك المره :22:
يلزم عليك تسجيل الدخول أولًا لكتابة تعليق.
البرنسيسة ليمو
•
هههههههههههههههههههه
ههههههههههههههههههههه
وربي فقعت ضحك كنت طفشااااااااااانه حدي
الله يسعد قلبك وروحك رفعتي معنوياتي احسب بس انا الي ركبتي مالها حل
وربي فقعت ضحك كنت طفشااااااااااانه حدي
الله يسعد قلبك وروحك رفعتي معنوياتي احسب بس انا الي ركبتي مالها حل
Shahad/
•
هههههههههههههههههههههههههههههههههههههههه
هههههههههه حلوه
بس لاتعمين السعوديات
مو الكل:27: طبعا ماامدح نفسي:44:
بس خواتي مثلا ركبهم بيض ماشالله:27:
بس لاتعمين السعوديات
مو الكل:27: طبعا ماامدح نفسي:44:
بس خواتي مثلا ركبهم بيض ماشالله:27:
المسعريه
•
ههههههههههههههههههههههههآآآآآآآآآآآي الله يررجك وربي انك فلله انتي وهالتعليقاتي
الله يسعددك ياارب
الله يسعددك ياارب
الصفحة الأخيرة