حمااااتي الثانية

السلام عليكم
كيف حالكم بنات
معي ام زوجي الله يخليها ويطول بعمرها رائعة جداً ما تتدخل بيني وبين زوجي وتاركتنا ع راحتنا يعني احترمها وأحبها كثير
طبعا حنا ساكنين بعدين عن أهله هم بديرة بعيدة عنا
المهم اخته الكبيرة عايشة مع زوجها في نفس منطقتنا المهم زوجها يقربلنا
المهم اخته عامله نفسها كأنها حماتي تبي تعرف وين نروح وين ندخل
في مرة رحنا انا وزوجي أبها طبعا زوجي معاه شغل بس قالي تعالي معي وقلت خلاص بروح
ومعي اخت عايشه هناك قلت بزورها بنستانس المهم زوجي ماقال لأخته انه رايح الخميس طبعا ومنطقتنا بعيدة
المهم زعلت وبكت وقالت ليش ما قالو لي انا اخته وأخذ زوجته معاه المهم حاله
ولما راحت لامي زيارة قعدت تبكي وزعلانه هم لما يروحون اي مكان ما نسأل ولا نتدخل ايش معنى هي يعني والمشكلة لما صالحها زوجي وقالها متى بنرجع لا اتصلت ولا تطمنت علينا اهم شي عندها تعرف بس وين رايحين
وتقول لي لو كنت حماتك
وش قصدها يعني استغفر الله والله اخوها يقول الله يعين أولادها لما يتزوجو
وتقول ليش ما اتصل عليها أصلا اذا اتصلت تقعد ساكته ما تتكلم تنتظرني أتكلم وأحس انها ما ودها تتكلم مرة مليت
وفي مرة قالي زوجي بنروح مكة نعتمر وأخوه وأخته الصغيرة جايين معانا بعدين هو كلمها قبل ما نروح بيومين وقالها بنروح بتجي قالت لا
وبليلة السفرة خرجنا الحديقة واجتمعنا وهي ما سألتني ولا شي وجاء زوجي أخذني ورحنا وانا قلت مع السلامه بعد أسبوع أشوفكم يعني بعد العمرة
ويوم احنا طالعين تأخرنا ساعتين ليش عشانها متصله بزوجي ومناقشات وزعل المهم
وش رأيكم بنات وش نسوي معها المشكلة لما نزورها اكثر شي تكون مكشرة وزوجي ما وده يقعد
يطالع الباب والساعة متى نروح مع انه يحب اخته بس مدري ليش
هي طيبه بس خواته الباقيات غير ضحك وسوالف وطلعات
تبي تشوف نفسها حماتي بس انا منطشتها
وش رأيكم أسفة طولت عليكم