السلام عليكم ورحمة الله وبركاته
شلونكم خواتي حبيباتي اني احبكم فالله واسأل الله ان يجمعنا بالفردوس الاعلى من الجنة
حبيباتي كتيررر طلبوا اني احط طرق اطباقي المصورة وها انا قاعدة البي لكم هالشي ويارب اقدر افرحكم واخذ الاجر
المهم حبيباتي كتبت الموضوع مرتين وانمسح ايدي انكسرت بس فدوى لبنات حوااااا
اليوم اكلتنا مصرية وهي الحماااام المحشي ربي يعطي حماااتي الف عافية الي علمتني ياه
هو صحيح متعب لكن في النهاية بتطلعي بشي الكل رح يشكرك عليه صدقوني يالله عالطريقة
اول شي لازم يكون عنا الحمام نغسله وننظفه عدل مدل ها انا حزرتكم مو يطلع زنخ وتدعوا علي يبيله غسيل لحد ماتنهد قوتك خخخخ
اول شي لازم نفتح الصدر والطريقة انك تدخلي اصبع واحد بس بالرقبة وتفتحي جلدة الصدر بشويش ديري بالك ينشق لو انشق حاولي خيطي بس ياريت انك تغسلي بهدوء حتى نحافظ عليه تمااام
لو انشق رح ينفجر معنا بالسلق ويخرب كل تعبنا
طيب خلص فتحنا ونفتح كمان من الخلفية وانتوا بكرامة سامحوني بس لازم اوصل الفكرة عشان نمسك فيها الرجول نغسله منيح بالماي والملح الخشن والخل ننقعه نص ساعة بعدين نغسلة بماي ونفركه بدقيق الذرة منيح ونغسله بالماي ونصفيه هلئ انتهينا من الغسيل
بنسوي توم وبصل بخلاط البصل لحد مايطله منهن ماي بنحطلهن شوية فلفل اسود وملح ونفرك الحمام من جوا وبرى منيح منيح حتى نضمن ان الريحة راحت وصار ياعيني ياليل خخخخخ
بنتتقل للحشو
الحشو عبارة عن رز مصري كل حمامه الها كمشة رز بيدك
وبصل كتري شوي وفرمي بمفرمة البصل وضيفيله فلفل اسود كتري شوي لانوبيعطي الحمام طعم وملح وسمنة كمان كتري شوي الذ وحطيهن فوق الرز وقلبيهن وجيبي حماماتنا الحلوين النظاف وامسكي الوحدة وهي واقفة خخخخ يارب تفهموا عالشرح بس وافتحي الرقبة واحشيها لاتكتري لان الرز بيكتر بالطبخ مشان لاينفجر متل ماقلنا طيب حشيتيها اربطيها من رقبتها من فوووق اول الرقبة اربطيها منيح واقلبيها واحشيها من تحت كمان وسكريها بقطعة بصل ودخلي الرجل من ورى التنتين يارب وصلت المعلومة المرة الجاي بوعدكن اني اصور بالخطوات كاملة من الغسل للقلي خخخخ
المهم سوي هيك مع كل الحمام وحطي ماي عالغاز للسلق وحطي فيها ورق غار ودارسين وهيل وسمنة وملح وماجي وبس تغلي سقطي الحمام عالوجه وحدة وحدة وياريت يكون الجدر كبير مشان ياخد راحته بالطبخ
وعيري الساعة من اول مايغلي عطيه ساعة ونص وطبعا قصري الغاز كأنه رز
ولما يخلص طلعي قطعي الراس بيدك والاجنحة واقلي بزيت ولا سمنة بكيفك والحصيلات والكبدة والقلوب انا بسويهن مع رز لحالهن بحمسهن ببصل وتوم وبهارات وبضيف ماي وفلفل حار وبهارات عدلة والرز وبس واي سؤال انا حاضرة
الله يخليكن لاتنسونا من دعواااتكن
يارب تنصرنا على من بغى وطغى ياحي ياقيوم
الله يعطيكـِ الــ ع ـــافيه
(( نسأل الله الفرج والنصر القريب لأهلنا في سوريا ))