اخت الزوج او امه اذا ما تخاف الله بتوصف نساء المسلمين المتحجبات لرجال اجانب
والله يعينها على العذااب يوم القياامه ... عني لا احلل اي انسانه توصفني لرجال اجنبي
وياحبيبتي اذا قل الخوف من الله على الدنيا السلامه
خليهم يعدون المرات اللي يوصفون فيها الحريم وكم حرمه بيتعذبن بسببها يوم القيااامه
وعنا انا واخواتي وامي .. ماااشاااء الله والحمدلله من وحنا صغاار ما نوصف نساااء قدام اخواني واللحين كبرو عيال اختي وصرنا نسوي كنترول على كلامنا وحنا معهم ولو دخل واحد وحنا بسالفه ومنسجمين تنبهنا وحده مننا ماشاء الله عليها ونسكت
مع ان نصهم غير متزوجين وماراح يتغيرون على حريمهم او يغارون منهن
لكن من منطق الشرع اللي شرع للمراه انها تدخل على الثانيه وكلهم متجملات ما يجوز اننا ننقل الصوره للرجال
ليه شرع الحجاب وشرع عدم ابداااء الزينه الا للبعل والمحارم
لكن عليهم ما يستحقون والله يعطيهم ما يستحقون

افتكر وحده هنا بالمنتدى كتبت موقف لها
تقوول مره كانت ام زوجي تمدح لزوجي حرريم وانا مرره مقهووره وبعد اسبووع لين مالسالفه برردت
دخل علي زوجي ولقاني زعلانه وسالني اشببك تقوول لا بس وحده كلمتني وقالتلي ترين في حريم يوصفوونك لاولادهم واخوانهم
وانقققهر الزووج مرره قالتله داامك انت تسسمع مدح في الحرييم شئ ططبيعي يسمعوون غييرك ومن بعدها كل ماامه مدحت
يغير الموضووع .........

حركه ذكيه من زووجته

(الوردة الجارحه ) كلامك صحيح اتصدقين قريبتي اهل زوجها مشاء الله راعين صلاة ودين لكن الكلام هذى اهو اللي مخرب عليهم

(مصرقعه هانم )كلامك يخط بماء الذهب رعاك الله

(ريما)اعتقد ينفع مع ازواج وماينفع مع ازواج اخرين

وين الحلوين الباقين!!!!!!!!!! وش رايكم ؟؟؟؟؟؟؟؟؟؟؟

احسبي الله ونعم الوكيل ع هالاشكال
وربي انا نزلت موضوع عن هذا الشي
بجد ام زوجي عقدتني
وربي تمدح مدح للبنات الي يسمعها يقول ربي ماخلق احلى منهم
وزوجي مايسالها بس يستانس اذا سمعها تسولف عن هذا الاشيا
وكلمت زوجي كذا مره
قال وش اسوي اقولها امي لاتقولين كذا؟؟
انا داريه انه معجبته السالفه
بس كيييييييفهم
انا قلتها له قلت لو تلف الدنيا مابتحصل مثلي ياريت ترتاح بس
انت وامك
وربي اني احلى وحده باقاربنا
وزوجي شايفني اقل من العاديه ليه؟؟
بسبت امه
بس الايام بيينا وربي ياخذ حقي منهم وربي ماراح اسامحهم لاهو ولاامه

الله الهااااااااادي
اصلا كثييييييييير مايتعضوا بالدعاء والتذكيييييييير
"الا من رحم ربي "
خلونا نكون واقعيييييين بلاشي مثالياااااات
اللي مثل هذول ما ينفع معهم الا بالمثل
التجربة اللي عندك تصير عند اقرب الاقربين لها
مثل بنتها .. اختها..
في النهاية الله ما يهدي احد هو اصلا ما يبغى يغير من نفسه..