حماتك لو تلفظت عليك بإنك .ش....... وش راح تكون تسوين !!

اخت زوجي كذا من تزوجتنا وهي حاقده علي تبغا اخوها يطلقني مع العلم انو هي اللي سعت في زواجنا وكانت هي وعمتي يتلفظون علي اوسخ واحط الالفاظ وانا كنت اسكت من هول اللي اسمعه واللي عمري كله مامري علي كانت تتعمد تحرجني قدام الضيوف بالفاظ وسخه مررررره والحريم يطالعوني وانا اتفشل واسكت وش ارد على حرمه كبيره وكنت اشتكي لزوجي ويعصب علي يقولي وشتبيني اسوي هذي امي واخته وصلت فيها انها تلفظت علي وانا رحت بيت اهلي زعلانه قامت ودقت عالبيت ورد ابوي عليها وقالته له اللي جاب بنتك يجيب عشر لاخوي واخوها ماكان يدري باللي قالته ويوم علمته وش تبرر كلامها انو مره دقت علي وتقولي ليش ماتدقين علي وتمسحين علي مو انا اللي زوجتك وانا عن مزح قلت لها وانا اضحك خلاص اخذت منك اللي ابغاه اللي اخوها ومن بعدها تقوله حقدت عليها ومن يومها وهي تسبب لي مشاكل وبعد حول السنه ونص صارت مشكله بين زوجها وبينها ويازعم مسويه قويه وشخصيه وراح زوجي يشوف وش السالفه وتلفظت على زوجها وهو سكت وتلفظت على زوجي وقالها احترمي نفسك وقالت له انا محترمه روح وشوف مرتك اللي قاعده تكلم رجال من وراك وهو من القهر ضربها كف على وجهها وهددها انها ان كلمتني راح يقتلها
ويوم قالي زوجي الي صار وانا حقدت عليها والحين. زوجي يازعم سامحها والسبب اني انا اللي قلت له هذي اختك وحرام عليك تظل سنه بدون ماتكلمها وبعدها رجع وسامحها بس لو تشوفونها واهي تناظرني وكأني انا اللي سبيتها وحطيت فيها الكل يحاول فيني اسامحها بس ماني قادره اللي قالته واللي شفته منها مو قليل
لكن الدنيا دوراه وربكم مو ظلام للعبيد بعدها زوجت بنتها وهي رافعه خشمها انو زوجتها لواحد مليونير وبعد زواجها بثلاث شهور تطلقت والسبب البنت ماكانت مضبوطه وكشفها زوجها وطلقها ومن بعدها انكسرت عينها اللهم لا شماته لكن هذي حوبه وبعدها مابردت غليلي منها وللحين ادعي عليها
انا غلطانه اذا دعيت عليها؟؟
السموحه طولت عليكم السالفه