طيب حبيبتي انا عندي حل يريحك نادوها تسكن معكم ضعيفه يمكن الخلا ماكلها بالعكس اجا سكنت بتتونس فيكم

معليش ياختي كبار السن يطفشون وانتي لازم تجاملينها تبي احد يونسها
وبعدين زوجك هاذي امه لازم يطيعها وشلون يبرون فيه عياله اذا كبر بالعكس مفروض تفرحين لن عياله بيطلعون مثله
واتمنى مازعلتي من كلامي بس انتي ماحطيتي مشكلتك الا وانتي تبي حل
الحل الصبر والله يعينك

صعبه تسكن معنا بيتنا صغير مره وهي وولدها كبير وامها وشغالتها. ابد مازعلت انا من جد ابي حل الله يوفقكم ً شوفوا قبل كم يوم وداها زوجي لجارتها عصريه وبعد المغرب لبست ع اساس نطلع وخلاص عند الباب الا هي تدق ع زوجي تقول انا ف البيت جابني اخوك توه الحين وابيكم تجون تتعشون عندي ودقت علي قبله قالت لو مايبي هو يجي ينزلك ويروح واذا ماتجون بزعل عليه وانا عشان ماتزعل قلت بنروح قال زوجي خلاص نتقهوى شوي ونطلع والله ماخلتنا واحيان ابي اغراض ونقولها تقول بكره جيبوها اجلسوا ولاتخلينا نطلع الا اخر الليل انتوا تفكرون اني مااحبها الا والله اني احبها وانا ماوافقت ع ولدها الا يوم فكرت ان مواصفاته زينه واخلاقه وفوق هذا امه طيبه واذا سافرت مكان ابد ماانساها وحتى اذا جا حافز بس هي احيانا تضغط الواحد

نفسي اعرف وشلون اكتشفتي ان خالتك تسمع كلام بناتها

يعني انتي سمعتيهم بنفسك ؟ او فيه وحده نمامه فتانه قالت لك

او يمكن واحد !! طيب اللي نقل لك الكلام هو ثقة علشان تصدقينه !!

م عليش وين المشكله؟


الحين اللي تسمع كلام بناتها تعتبر مشكله؟ يعني كل امهات العالم م يسمعن من بناتهن الا ام رجلتس؟
ولو سمعت كلامه بناتها وهي امهن ولا لازم تقلبون كل العائله ع بعضها

بعدين وين الاشكاليه اللي سببت لتس ازمه ؟ وشلون دمها ثقيل؟ انتي الظريفه يعني

مهو تقولين انتس من النوع اللي م يسولف واللي م يسولف هو ثقيل الدم والغثيث


بعدين انتي ليش كل شوي تروحين لها ؟ تبي ولدها ولدها يزرق لها وخلاص

انتي ليش كل شوي متعلقه معو؟ طيب زين انها تعشيكم وتحترمكم


م عرفنا لكم ان م عطوكم وجه تذمرتو وان دلعوكم سبيتو وسخطتو


وبعدين رجلتس ل بغى يتوظف ويحسن مستواكم المعيشي مهو راده كلام امو

بس هو مو مشتهي وعاجبو الوضع وش دخل هالسالفه ب الكلام اللي كاتبتو


وخلاص لا تروحين كل يوم اعتذري وانتيهنا و ولدها ان بغى يروح م احد راده