الأخت المحررة Roma88

شكراً على إجابتك ولكن انت تعتقدين ان لها الحق بتصرفها وليس لي حق ان اقول لها ما تفعل وماذا لا تفعل كونها تربيهم .. ولكني قد ذكرت لك أنها هي التي اشترطت علي أنا وزوجي وانا لا ازال حاملاً ان تربي هي الأطفال واذا وضعناهم بحضانة سوف تزعل منا .. وبناءا على رغبتها انا وضعتهم عندها ولم اجبرها ،، وإني اذا اخبرها ماذا تفعل وماذا لا تفعل فإن هذا يرجع فقط لخوفي على أطفالي وحرصي على مصلحتهم فلا يوجد أحد يعرف اطباع وما يفيد وما لا يفيد الأطفال اكثر من أمهم ، فلا يمكن مقارنة ما كنت تفعلينه لابنك مثلا مع ما ممكن ان تفعلينه مع ابن جارتك كون كل طفل يختلف جسمه وطبعه وصحته عن الآخر ..

اختي همسات الغسق
اصبري واحتسبي اجرك عند ربك انتي متضايقه من حماتك بسبب تصرفاتها والمشاكل اللي تسببها بينك وبين زوجك واغلب الحماوات مثل حماتك واكثر بس انتي اعتبريها مثل امك يعني انا مثلا على الرغم من كل اللي تسويه فيني حماتي الا اني احاول اكتم في نفسي وامشي الامور اولا عشان زوجي وعيالي مايعيشون في بيئه كلها مشاكل وخصومات وثاني شي انا ساكنه معاهم صح عندي خدامتين يخدموني انا وعيالي بس الخدامه ماراح تكون حريصه على عيالك مثل جدتهم ام ابوهم لانه مااغلى من الولد الا ولد الولد خصوصا انك تشتغلين وتغيبين لفتره مب قصيره
وانتي خليك عاقله مثلا بالنسبه للحراره اذا شكيتي ان ولدك فيه حراره لا تشاورين احد عطيه ادول او مخفض للحراره لانه اذا كانت فيه حراره بتنزل واذا ماكانت فيه مثل ماتقول حماتك ماراح يضره الادول بس انتي جيبي مقياس للحراره وقيسي حرارة ولدك واتصرفي على حسب ماتشوفين لان هذي مصلحة ولدك وصحته مافيها تخمينات ولا احتمالات ولا مجاملات وحاولي تورين حماتك مقياس الحراره او اسمعي كلامها وطنشي قولي لها انشالله ولا تنفذين
ثاني شي بالنسبه لغيرتها منك وتقليدك حاولي من فترة للثانيه اذا شريتي شي تجيبين لها مثله او انك تخلين زوجك يشتري لها هديه حلوه وامدحي فيها كل ماشفتيها متزينه ومتعدله قولي لها الله عليك ياحماتي اللي يشوفك يقول توك عروس او توك بعز شبابك واذا رحتي الصالون مثلا وكانت هي من النوع اللي يصبغ او يقص شعره خذيها معاك واعتبريها مثل صديقه عزيزه او اخت صدقيني انا جربت اهتم بمثل هالاشياء مع حماتي ووالله نفعت
بعدين اختي خلي حياتك مع زوجك شي خاص فيك انتي وزوجك ومشاكلكم او نقاشاتكم لا تطلعونها برا ابد اما اذا هو قال لامه حاولي تاخذينها لصفك بالكلام الحلو يعني اول شي قولي لها ياحماتي انا اعتبرك مثل امي وانا اعرفك تحبيني والا ماشكيت لك انا حتى امي ماشتكي لها بس يرضيك اللي ابنك يسويه فيني
اما اولادك اختي لا تخافين انا شفت ناس اعرفهم امهم خلتهم وهم بالاربعين تخيلي ولا سالت عنهم اللحين لما كبروا واشتغلو تركو جدتهم اللي ربتهم وراحو لامهم ولا حتى يسالون عنها اللحين !!!!! وبعدين غلا الجده غير وغلا الام غير والطفل كل ماكبر عرف هالشي بس انتي تقربي من عيالك بس مو لدرجه تفسدينهم فيها لا كل شي بحدود
انشالله يكون كلامي خفيف عليك واسمحيلي على الاطاله

المشاكل بكل بيت ,,,,وعندنا عندج خير,,,,,

بس انا حليت مشكلتي,,,,احتوي بيتج وزوجج ولا تطلعين سر من اسرارج مهما كان حتى لوحسيتي انها تعرف اجحدي خليها تحس انها لها حدود لازم ما تتعداها والاولاد مردهم لج حتى لو كبرو وظانتي مهملتهم بردون لج غصب لا تدلعينهم يرجعون لج خربانين ,,

أكبر دليل جارتي مثل قصتج لكن الفرق مريحه بالها مالها خص بعيالها كأنها ما جابتهم والجده قايمه فيهم قوم ..وبالاخير كبروا وراح خيرهم كله لامهم..وتركو جدتهم وياويلها إن تكلمت على امهم؟؟!!!!!!

اعتقد اختي ان حماتك تعاني من الفراغ ، انصحك باشغالها باخريات من عمرها صدقيني تنشغل عنكي
خلك ذكيه الاطفال مالهم غنى عن امهم مهما ابتعدت عنهم
:27:

شكرا لك يا اختي ميس تبوك .. والله ردك حلو وفكرته معقولة .. :D