حماتي تعبت أعصابي حسبي الله و نعم الوكيل/ قديم

بسم الله الرحمن الرحيم

السلام عليكم و رحمة الله و بركاته

يا بنات أنا جديده هون بس مشاهده قديمه للمنتدى و الله حبيتكم و حبيت فضفض لكم بما انو أنا بالغربه و مالي حد هون بالكويت غير الله ثم زوجي وبيت حماي..//تم التعديل...
رح احكي أكتر من موقف و نصحوني شو ساوي أرجوكم

طبعا أنا عايشه في بيت حماي

مره من المرات أخت زوجي شطفت الصاله و وجهت المي على بلوعة المغاسل الخاصه بحمامي أعاذكم الله و تركت المي و الوصخ كله حواله المغسل و هي مو أول مره تعمل هيك والله على طول تنظف بيتهم و توصخ عندي المهم قلت لها ليش هيك أنا عمري عملت في بيتكم هيك قالت أي أنتي وصخه مو منظفه من قبل و والله أنا كل يوم بشطف و بنظف بس هي عم تفتري علي و لما أجا زوجي قلت له نبه على أختك بهدوء أنها ما تخلي هيك الوصخ عندي طلع زوجي و قال لها يا اختي و الله ما بيصير هيك تاني مره بس نظفي يلي بتوسخيه قال لها هل كلام بكل هدوء والله بس هي ردت عليه و قالت أي أنا ما بدي كلام مرتك يمشي علي كلمتي أنا بتمشي علي و بكسر راسها

زوجي ما ستحمل أنها تغلط علي بهل شكل و ضربها ......

و لما اجت حماتي صارت تعيط تقول الله يغضب على يلي بيضرب أخته كرمال مرته وووو....
زوجي طلع قال لأمه أنا و مرتي كنا عم نحكي بهدوء بس بنتك لسانها طويل و صارو يصرخوا كلون


اخت زوجي تقول لي يا حقيره و حماتي فتحت علي الباب و صارت تقول لي يا بنت الكلب مو حاج مستحملين أنك ما جبتي ولاد من تلت سنين متزوجه ولا جبتي ولاد و انتي حقيره وووووووووو..........

كل يلي بالبيت صاروا يغلطوا علي بالحكي و أنا و زوجي عم نحاول نحكي و نقول رأينا بس ما خلونا من الكتر الصريخ

بعد ما خلصوا و راح زوجي على شغله طلعت من غرفتي و قلت لهم والله أنكم ظلمتوني و حاولت قول أني ما قصدي اعمل مشكله بس ما سمعوني صار عمي و حماتي يصرخوا علي قلت لهم شو اعمل هلق شو طلباتكم قالت حماتي رح خبر ابوكي أنك عم تعملي مشاكل قلت لها أي منيح دقي و قولي له شو القصه بس لا تنسي تقولي له أنك ظلمتيني و قلتي لي اني بنت كلب و بنت حقيره وووو

قامت قالت لي سكتي الك عين تتكلمي أي لحنا صابرين عليكي من تلت سنين متزوجه و ما خلفتي ولاد يا حرام عليكي ظالمه أبني معاكي

قلت لها حرام عليكي هذا مو بأيدي والله حرام هذا الله يلي بيبعته......

المهم فتت على غرفتي و ضليت عم ابكي من الصبح للمسا لما أجا زوجي قلت لها يا أما هلق هلق بتسفرني على بيت أهلي يا أما أجر لي شقه أقعد فيها قال لي اكي بس صبري علي كم شهر أنا قلت له والله كم شهر ما طلعتني على بيت وحدي لسافر و ما تقول أني ما صبرت انا صبرت عليهم تلت سنين بس يشتموني و يشتموا أهلي أنا ما بقدر .


حلفتكم بالله مين لازم يتبهدل أنا ولا أخته؟؟؟؟؟؟ قولوا الصراحه و ما بزعل والله



و هي قصه تانيه اليوم صارت معي انتوا حكموا

أنا كل يوم بشطوف المطبخ و بجلي وووو بس لما مر أسبوع ما شطفت صارت تشكيني لزوجي مع العلم عندها بنتين صبايا المهم اليوم شطفت المطبخ و فتت على غرفتي ما لقيتها إلا عم دق علي الباب فتحت قالت لي قومي أشطفي المطبخ
قلت لها هلق شطفته قال أي كلو وصخ مو شاطفه منيح يالله قومي شفيه متل الخلق ستغفرت ربي و طلعت شطفته و كل الوقت كانت عم تحكي علي و أنا عم قول بقلبي حسبي الله و نعم الوكيل منشان ما عصب عيب مهما كان لازم أحترمها على الأقل كرمال زوجي شطفت و خلصت و فتت على غرفتي و هي عم تقول شو هاد بعده مو مشطوف منيح إن شاء الله يتكسروا أيديكي وووو........

والله يا بنات كل يوم بقضيه و انا عم أبكي حتى اليوم حاسه حالي رح موت والله مرات بتروح بتقول لزوجي شغلات أنا مو عاملتها يعني من يومين كنت عم أتحمم و أتصل زوجي علي ردت هي على جوالي و قالت له مرتك تاركتني عم أطبخ و قاعده بغرفتها و لما طلعت من الحمام أنا سمعتها قالت لي زوجك بدو ياكي قلت له ألو قلي وينك انتي قلت له هلق طلعت من الحمام قلي أوكي لما سكر حماتي قالت لي هيك تاركك بالبيت و هو مع رفقاته بالمسبح مو عيب عليه

يعني علمت زوجي عليي و علمتني على زوجي شو اعمل معها يا ناس المشكله ما بقدر جاوبها انا كتير بخجل ساعدوني بترجاكم

ملاحظه أنا حكيت عن مشاكل هل كم يوم يعني لسه في أشياء كتير عم تقهرني فيها كل يوم دعولي يا بنات الله يزيد صبري:29: