حماتي مضايقتني

اهلين حوائيات والله جاية وكلي ثقة
بكم والله ضايق صدري المهم انا عندي اولادي الله اخليهم وعايشة مع زوجي كل شي في حياتي

انا ساكنة في بيت زوجي وهو الوحيد ماعنده اخوان فقط خوات ثنتين ومتزوجات وقام ابوه وعطاه البيت الى احنة ساكنينة بعد وفاته وجن جنون الاخوات بسالفة البيت وخصوصا انه فوقة 3 شقق وبعدين زوجي عطى كل وحدة شقة علشان اسكتهم لو ماسوى جدي انجان اكلونة في ثيابنة
وحدة منهم سكنت معانة في البيت في شقة وحنة تحت وعندها بنت لكبر من بنتي بسنة لاكن اعوذ بالله منها فيها طبايع اجي تحت عندنة وسوي اشياء تخليك تنقهري وتتنرفزي المهم اني اقول مو مشكلة جاهلة وهي عمرها 9 سنوات
وانا ما اتكلم ليها لان امها ماترضى عليها كلش يعني لو تكلمت بسوي لي مشكلة كبيرة
والعكس بنتي لو سوي شي بسيط على طول تتصل لي وتقولي بنتك كذا وكذا وانا مااعرف ابين لها اني زعلانة او مضايقة حتى صرت وايد احاسب من هاالناحية ويش الحل
المهم ان بنتها مع بنت اخوي في المدرسة وهي اسوي حركات الى بنت اخوي تنرفزها والكذب وايد تكذب

وامها تصدقها وحماتي الله يحفضها تحب اولادها وايد يعني مااقدر اوصف يعني شوي وتقدسهم
وماترضى عليهم لو ويش اسوون

ومرة من زمان بنت اخوي جاية بيتنا وبنت حماتي كامت تعيرها وتقول لها كلام مثل انتي علبة قمامة المهم سكتنا عنها علشان ماصير مشكلة قبل يومين بنت اخوي جت بيتنا

وجلست مع بنتي في غرفتها وقامت هي تمشي في الكامبون من ورى علشان ادق على الدريشة تبع الغرفة
ودقت عليها وقامت اسوي حركا ت من ايدها ولسانها

وراحت الى امها تشتكي وتقول ان هم الى اسون الحركات وقامت حماتي تسأل بنت اخوي وقالت العكس
وبعدين راحت شقتها مع بنتها وبنت اختها وبعدين جت تقول لي ان بنت اخوكي هي الى بدأت هي سألت بنت اختها على قولتها هي ماتكذب معا ان بنت اختها تساعد بنتها على الكذب
وانا ماعرفت ويش ارد عليها بس من داخلي سكت وانا مااعرف اقول لها بنتك تكذب لان على طول هي بتزعل مني
وبصير مشكلة وانا من داخلي منقهرة منها

وحتى من ناحية خواتي وخواني يعني هي ماتحبهم حتى لو اسولف معاها في مواضيع واجيب مثل ذكرهم تضايق
واني اجنب ان هي ماشوفهم معا مافي سبب ان هي ماتحبهم

ماسوو مشكلة لها ولا ضروها بس احس من داخلها ماتحبهم ويتغير وجهه من اجي طاريهم
وعلى العكس ادا تتكلم عن اهلها واهل زوجها اني عادي ابين لها واتفاعل معاها

وعن اهلها هم ماعمرهم جوني لا في زواجي ولا ولاداتي ولاشي وما ابين اني مضايقة منهم ابد
واهلي هم الى شايليني لو اصير لي شي
وحتى ما ازوروني وايد
هي لحالها وانا لحالي بس مادري ليش نفسيتها جدي انا مستغربة وانا احاسب ليها وهي ماتحاسب للى اضايقني

اتمنى اني ماطولت عليكم

ساعدوني