حماتي واخوي

عندي سالفه محيرتني كثير احس اني بورطه مدري اش اسوي تكفون شور على...ببدا في سالفتي..
حماتي اخت زوجي عمرها26 سنه تعليمها ابتدائي لضروف منعتها انها تكمل دراستها..طيبه واخلاقها كويسه وقفت معاي كثير..فيها شي دايم يضايقني انها دايم تنقد على ناس ودايم تذم في اقاربها ودايم تتكلم بناس ..يعني كنها عجوز تفكيرها تفكير وحده عمرها 60 سنه..والله يابنات كل شي ذكرته انه فيها..بس مع هذا كله الا انها طيبه مررره
هذي بس مقدمه لموضوعي...
السالفه انو اخوي عمره 26 سنه عسكري كان يبغى يتزوج وحده وابوي رافض ها البنت حاولن انا واخواني وامي نغير راي ابوي ويوافق بس مصر على رفضه ..ابوي قال لخوي البنت هذي انسى تاخذها اخوي زعل وقال دام منت موافق ع ها البنت انا كمان ماراح اخذ بنت عمي وبروح اخطب وحده من الجماعه قاله ابوي خلاص اخطب الي تبغى ...اخوي دق على وكلمني قال لي يا ام فلان انا ابغى اخطب حماتك قلت اي وحده من حمواتي قال الي عندك ..حماتي الحين عندي في بيتي...قلت له طيب وابوي موافق قال اي بس انتي شوف راي البنت واذ وافقت دقي ع امي وقولي لها اني بخطب فلانه لخوي..قلت لخوي خلاص اعطني اسبوع وارد عليك...المصيبه ان زوجي سمعني وانا اكلم اخوي جاء وسالني اش السالفه حاولت اصرفه قال سمعتك ليش تخبين علي..
علمت زوجي قال زوجي انا ماراح ادخل بالموضوع تبغون اختي خلي ابوك يكلم ابوي ...لان زوجي اصلن عارف ان اخوي كان يبغى وحده وابوي رفضها...وزوجي حرص على ماكلم اخته ولا اخذ رايها
انا الحين محتاره ..ماودي اخوي يتزوج حماتي لاني اعرف المواصفات الي يبغى اخوي وحماتي مافيها الي هو يبغى ...والشي الثاني الطبع الي بحماتي انها تذم وتتكلم بناس مايعجبني..اخاف تدخل بيتنا وتنشر غسيلنا قدم ناس اهلي ناس مشاكلهم كثير وماحب ان اهل زوجي يعرفون عنها..لي 8 سنوات متزوجه زوجي ماعمره عرف عن مشاكل اهلي ...اخاف اخته تاخذ اخوي والكل يعرف عنها. ...ومحتاره اخاف اعلم اخوي بطبعها هذا ويكون علي اثم اني قطعت نصيبها..