ارسلي عليها رسالة ام.... الله يسعدك ابي منك سلفه كذا وكذا خلي المبلغ زهيد مثلا قولي ممكن تسلفيني ٥٠ ريال أو قولي ١٠٠ لاتطلبي اكثر قولي اردها لك أن شاء الله أن ربي قدرني هذا الشهر أو الشهر الجاي
إذا سألتك ليه قولي احتاجه بغرض معين وزوجي الان ماعنده ومابغى احرجه واطلبه فوق طاقته
وكل مره بعد ماتسددي لها اتسلفي منها أرهقها خليها تستحي تطلب من زوجك وانتي محتاجه
طبعا زوجك بيسألك ليه تتسلفي منها قولي معليش ماعرفت انها بتقول لك خليك محرجه انه عرف وقولي انا حاليا مصروف ماخذ منك وانا احتاج واستحي مرره اطلبك وانت بهذا الوضع واقرب لي شي خواتك اطلب منهم ولاتيسرت اموري اسددها
منها تحرجيها وتحرجيه وتضربي عصفورين بحجر لاعاد تقدر ترسل له وهي قايله لزوجك وهو ماعاد يتقبل انها تأخذ منه وانتي محرومه
او انها ماتقول لزوجك وتستحي تطلب منه بعد كذا وانتي وضعك كذا
ملاحظه: اخواته المحتاجات لاتمانعي انه يرسل لهم لكن اللي وضعها كويس عامليها بالمثل

لا تكلميها ولا تلمحي لها شي
ما راح تستفيدي حاجة
هي عارفة أيش قاعدة تسوي وأكيد عارفة بوضعكم المادي
أنت خذي مصروفك ومصروف أولادك أول مايجي الراتب
أشتري كميات تكفي الشهر كله

شوفي ...
خذيها على جنب وعطيها هالكلام :
أنا يافلانه في وضع مادي صعب نوعا ما والحمد لله على كل حال وأنا بحاجة مبلغ ( وجهزي سب مقنع للمبلغ )وماودي أضايق فلان ( يعني زوجك) وما أمون على أحد كثرك كونك اخت زوجي وستر غطا عليه فودي تسلفيني وأردها إذا ربي فرجها واطلبي منها 5000 ريال وقولي لها بيني وبينك لا يدري أخوك ينجرح ياعمري كونه مديون ونفسيته تعبت من الضغط المادي .

وحتى لو بلغت اخوها عادي بتكونين الزوجة الطيبة اللي راحمة زوجها ..ما يقلل من قيمتك .

هههههههههههه صدقيني كذا بتوصلها السالفة وأنت ما جرحتيها ..ومايخالف تحملي اطلبي سلف منها حيريها لأجل تحقيق عدة أهداف ..

اي قولي هي تقول بكل مكان انك تعطيها اي مبلغ تبيه وماراح يسالها 🥲

ياجميلاتي جزاكم الله خير لكن حل اني اتسلف منها والعلاقه بيننا جدا رسميه مستحيل مستحيل حتى لواصلا نمون على بعض مستحيل احط نفسي بهالموقف واهينني بهالشكل مستحيل ، وبرضو هذي الانسانه عادي تتبلى علي مو بس تكذبني راعية ردح واجد ف مسألة اني اقول انها تقول انك تعطيها فلوس مرفوضه بعد خصوصا اني بعيد عنهم بمدينه ثانيه ومابيننا تواصل ومقابلات الا قليل




انا حلي الوحيد هو اني بكلمها اتصال وبلمح لها من باب السوالف عن ظروفنا واننا والله 100 و 200 تفرق معانا والنيا كلها غاليه والناس بعد تطلب والله يعين ، بعدها هي حره اذا تبي تستمر تاخذ منه او لا بس اهم شي ابين لها وضعنا واني عارفه انها تطلبه كل شوي على توافه ، وهو مابفتح معه الطاري عشان لو صار وكلمته هي مايحط براسه اني ادري ، ابيه يفهم اني مادري واني جبتها حرفيا من باب السوالف العادية ، كذا صح علي ؟