بنات تكفوون ريحوا بالي ولاقولي حل ؟؟
انا كنت عند حماتي امس وكان عندها مجموعة من الاقارب بالاضافه لبناتها المهم كانت جمعه حلوه وكنت مبسوطه بس كل هذا قبل مااتفاجئ بحماتي وبناتها يسالون وحده من الاقارب هل فيه اشكاليه تزوج بنتها المطلقه لولدها الي اهو زوجي الحرمه فكرت انو مزح وقالت الله يكرمها وين بيلاقي ولدكم مثل ام فلان جمال ودلال وفوق هذا مؤدبه ولسانها قصير...!!
قالت حماتي ووحده من بناتها صحيح كلامك بس ينقصها العيال واحنا نبي نفرح باخونا ونشوف ذريته وانتو ماشاء الله متاصله فيكم ولادة التوائم .. الحرمه سكتت ومانطقت بحرف وانا انعقد لساني وصابتني صدمه ودارت الدنيا فيني !!!
الحين انا عندي ولدين ولله الحمد وكون الحمل تاخر بعد ولدي الثاني 4 سنواات اكون عاقر وناقصني اجيب عيال ؟؟؟
بربي رجعت البيت وماصفيت دمعه براسي مانزلت وقلت هذاالكلام وانا اسمع كيف راح يكون من وراااي ؟؟؟
والي زاد الطين بله اني بعد خبرت زوجي ويشهد ربي اني ماخبرته الامن بعد ماالح علي وحلف انه ماراح يكلمني الا اذا خبرته وش مكدر خاطري قالي :
عاااادي حبيبتي خلك ايييييزي واخطبي لي انتي
ووعد مااخذ الا الي انتي اخترتي !!!
والله العضيم اني ماحسيت بنفسي الا بالمستشفى
والممرضه بتقيس الضغط وهو بيضحك ويقوووول ببروود صحيح انك هبله ...
ومن رجعنا من المستشفئ الى الحين وانا مطنشته عالاخر وكاني موموجوده بالبيت وهو ولا على باله ؟؟
ادري طولت عليكم بس مالقيت احد اشكيله همي الاانتو فتحملوني ....
لوشن مشاعر @loshn_mshaaar
عضوة نشيطة
يلزم عليك تسجيل الدخول أولًا لكتابة تعليق.
وين أرضك ياسعاده
•
الله يكون بعونك
ام تك تك
•
صراحه ماتستحي علئ وجهها وانتي ليش سكتي لهم لو انا منك كان شرشحتهم كان قلتي ليه ابو فلان شكئ لكم الحال
حسبي الله عليهم من حماه الله ينصرك عليها بحملك بالتؤام الثلاثي امين يارب
حسبي الله عليهم من حماه الله ينصرك عليها بحملك بالتؤام الثلاثي امين يارب
ليش مارديتي سكتي يحسبونك مبسوطه ..
من جد فكرت ماعندك عيال ولدين خير ونعمه وش يبون ارنب كل سنه
وزوجك اكيد سامع شي ماانصدم ولاقال شي .. وجع يوجعهم
الله يهدي بالك
من جد فكرت ماعندك عيال ولدين خير ونعمه وش يبون ارنب كل سنه
وزوجك اكيد سامع شي ماانصدم ولاقال شي .. وجع يوجعهم
الله يهدي بالك
الله يعينك على زوجك
ازعلي وروحي بيت اهلك خليهم يحسون بقيمتس
والله مادري وش اقولتس الله يعينس بس الشرهه على زوجس ولا امه واخته الله يخلف
ازعلي وروحي بيت اهلك خليهم يحسون بقيمتس
والله مادري وش اقولتس الله يعينس بس الشرهه على زوجس ولا امه واخته الله يخلف
يابعد عمري طنشي طنشي طنشي وحماتك راح تشوفه في بناتها ربك كبير ومايظلم احد سبحانه وع فكره لاتوتري نفسك ولاتعصبي ولاتبكي لان زوجك اذا شافك معصبه من الموضوع يزيد عليك عشان يشوف ردة فعلك واذا قال ابي اتزوج قولي مع السلامه المهم عندي اولادي وبس الله يخليهم لي والله يكون بعونك وينصرك على كل من ظلمك
الصفحة الأخيرة