يابنات انا حاليا ساكنه عند أهل زوجي موقت مش ثابتين لأن اهما بعيد وجايين زيااره
حماتي اخت زوجي متزوجه اذا جت عند اهلها الاحظ اذا شافتني لابسه وكاشخه تتكلم مع سلفتي بصوت وأطي اذا طلعت من المجلس بس اذا رجعت تسكت وإحيان ادخل المطبخ والقاها تتكلم مع سلفتي بصوت واطي ويوم شافتني سكتت ..المشكله أنها معاي مثل العسل تضحك وتمدح لبسي بس انا يحز بخاطري اذا شفت المساسر بينها وبين سلفتي انا على نيتي ولأني راعية مشاكل بس وش تبي فيني
- وغير كذااااا حماتي ثانيه كبيره مطلقه وتعبانه من رجولها ماتمشي كثير ولاتشتغل كثير احسها تتخدم فيني بزيادة انا وربي اذا جيتهم اكنس وغسل مواعين واصحي بدري أجهز فطور زوجي وعندي بيبي يعني ماني لاقيه وقت اتمدد واريح نفسي إلا تقول يافلانه تعالي هاتي ذا ولا تعالي شوفي ولدك خرب ..انا اشوفها ماتامر على سلفتي اللي ساكنه فوق معهم وهي زوجة الولد الكبير والمطبخ اللي تحت وش اقول بس مواعين في الدرج مكركبه ع بعض والسراميك وسسخ والمجلاء اسود وتسكت ماتقول فلانه ماتشتغل زين ولاشي اذا ولدها خرب وكذا تسكت ماتقولها تعالي شوفي ولدك ..والله تعبت أحس احمل نفسي فوق طاقتها والناس ماتقدر ولاتشوف بعينها أمس صحيت العصر الاقي حماتي ذي في المطبخ مغير تهاوش وكنها تسمعني تقول المطبخ ليه كذا وسخ ومواعين الغداء ماغسلت والفرن مررره وسخ كله زيت قديم وقهوه ورز ..طيب اللي صلحت الغداء سلفتي اللي ساكنه معهم بغيت ارد ثم سكت لأن تربيتي وأخلاقي ماتسمح بس يوم تتكلم )إياك أعني واسمعي ياجاره
انصحووني وربي اكتب لكم وراسي مصدع من التعب
ولو وجهت الكلام مباشره لك ساعتها ردي عليها اما الدق ب الكلام هاذا يرجع عليها وعلى سلفتك انتي مالك دخل ب اشياء غيرك ولا بحوستهم المكان اللي تقومين منه اتركيه نظيف وخليهم يدقوا براحتهم