حماتي و حماي نشببببه

السالفه ومافيها اني والله احب اهل زوجي و احترمهم و قبل كل شي هم اهلي بحكم القرابه اللي بيننا لكن في شي مضايقني من جددددد
من تزوجت لي سنتين و شوي و المره الوحيده اللي سافرت فيها مع زوجي لحالنا هي سفرة شهر العسل و من بعدها مستحيل نسافر ومايكون معانا اخت و اخو زوجي مع العلم ان اخته في الثلاثينات و اخوه في وسط العشرينات يعني مو صغار و سيارتنا صغيره و كل مره نسافر يكونون معنا فأضطر اني اجلس ورا مع اخته و ولدي الصغير علشان اخوه يجلس قدام
و السفره اللي ما انساها في السنه الأولى من الزواج كنت حامل ومتنفخه و زوجي اصر علي انه يبينا نسافر الكويت و انا قلت له تعبانه ما اقدر على الطريق و اصر علي اني اروح و لما شفته مصمم قلت يلا امري لله مافي إلا اني انسدح بالسياره اذا تعبت و رحت الله يكرمكم الحمام و لما طلعت الا اسمعه يكلم اخته يقول لها يلا اجهزوا بنجي نمر عليكم ناخذكم ... انا انصدممممممت يعني كيف بجلس طول الطريق في الضيق ورا و انا رجولي بدون شي منتفخه وتألمني من الحمل لكن ماحبيت اكسر بخاطرهم و قلت يلا خليني اروح يمكن يحسون على دمهم ويخلوني على الأقل اجلس قدام أوسع لي لكن لا حياة لمن تنادي و لما وصلنا جاو سكنوا معنا في نفس الشقه و غرفتهم جنب غرفتنا يعني تخيلوا وضعي حامل وتعبانه وجالسه طول الوقت بعبايتي علشان اخوه معنا وحتى بالليل كل شوي احتاج الحمام و اضطر أقوم البس عبايتي علشان اروح الحمام
قلت يمكن بعدها يحسون لكن ماااااااش إلى يومنا هذا من نطري السفر جهزوا اغراضهم و جاو معنا بدون مانعزمهم مع ان عندهم اخو اكبر من زوجي و يروح يسافر مع زوجته و عياله ومايروحون معه
انا عارفه انهم يجون معنا من باب المحبه لكن و الله احس احلى سنين زواجي الأولى قاعده تروح مني لأنهم قاعدين يشاركوني و يضيقون علي فيها .. اكيد كل وحده متزوجه بتحس في حالتي يعني أتمنى اني اروح مع زوجي و ولدي لحالنا و آخذ راحتي سواء في الطريق و الا في السكن و الروحه و الجيه


أتمنى تعطوني رايكم كيف افهمهم اني ابي اسافر مع زوجي لحالي بدون ما اجرحهم او اضايقهم