السلام عليكم انا سبق وقد كتبت قصتي اني حملت بعد انتظر واجهضت والان اكرمني الله بالحمل ولكن لم يظهر بالسونار شي ابد لاكيس ولاجنين ونسبة حمل في الهرمون 500 هل هو طبيعي ام ضعيف ام ماذا واحتمال حمل خارج الرحم ماهي علامات ؟؟؟ وممكن اي وحده حملت خارج الرحم تعلمني الاعراض تكفوووون دعواتكم لي وربي يعلم ان دموعي على خدي تكفون دعواتكم رحت لدكتوره نضال بمستشفى داله وهي الي قالت يمكن خارج الرحم تكفون علموني هي تخط او صحيح تكفون ادعولي انها اذكان حمل طبيعي انه يثبت تكفووون
وان معي الم في جهة اليسار ولكن خفيف يتحمل واحيان ينزل على منطقة العانه بس الم يحتمل ويختفي الاالم ويرجع بسد بسيط تكففون طمنوني

تجربة اختي حملت خارج الرحم وعطوها ابرة وكان تحليل الحمل يتناقص وبعدها حذروها تحمل لانه ممكن تتكرر معها الحاله وقررولها اشعة صبغة عشان يتأكدو من قناة فالوب وكانت النتيجة انسداد بالقناتين ولازم تتعالج فترة قبل الحمل وبقدرة قادر حملت بعدها ب4شهور وتم حملها 
سبب الانسداد ابرة منع الحمل ماناسبتها وبعدها استخدمت حبوب وتركتها وماصار حمل لمدة طويله وبعدها حمل خارج الرحم وربي كريم ماتعالجت طبيا ابد بس راحت لممرخة وبعدها حملت طبيعي

ااخواتي بطمنكم اختي اول حملها سقطت والحمل الثاني خارج الرحم وانفجرالانبوب وسووعمليه لها وشالوه بعده الحمدلله حملت خمس مرات وولادتها طبيعي وثقي بالله والقادم اجمل باذن الله ورحمته.

فعلا الحمل خارج الرحم تجربه مولمه الله لايوريها مسلم ..

بس ياليت اي وحده تقول متى حملت بعد الحمل خارج الرحم ؟

اللهم لك الحمد من قبل ومن بعد ،،،، الحمل خارج الرحم تجررررررررربه جدا مؤلمه الله يبعدها عنكم
انا حسيت باعراض الحمل بس مو كل الاعراض وكنت مره اقول حمل ومره لا وقلت خليني اقطع الشك بالييقين واحلل عملت تحليل منزلي مرتين مابان شي ابدا وعملت تحليل دن قالتلي الدكتوره حمل ضعيف وقلتلها ايش يعني قالت تعالي بعد اسبوع نعيد التحليل ونشوف ،،، اليوم الثاني جااااااااني الم فضيع اسفل ظهري وبعدها نزل علي دم وجلست اسبوع ورحت قالتلي خلاص مافي حمل وهي ماعملت تحليل بس سوتلي تصوير وقالت الرحم نظيف المهم استمر الدم تقريبا 12 يوم وبعدها جاني الللللللللممممممم مررررررررره فضيع في جنبي الايسر لدرجة مااقدر امشي او احرك رجلي واحس شوي وانكتم ماني قادر اتنفس ورحت المستشفى الجامعي بالرياض وكشفت علي وقالتلي على طول احتمال حمل خارج الرحم بس لازم نسوي تصوير عادي ومهبلي عشان نتاكد وبالقووووووووه بان في المهبلي وعلى طول دخلوني غرفة العمليات اقلهم بروح بيتي واسنع عيالي واجي قالو مستحيييييل نطلع انت بين الحياه والموت المهم جهزوني ولما دخلت جاتني الدكتورة وقالتلي لازم تعرفي انه احتمال اذا سوينا العمليه وماوقف النزيف نشيل الانبوب والمبيض لازم تعرفي دا الشي وجلست ابكي لاني اصلا عندي ضعف بالمبيض الثاني قلت اجل مستحيل احمل قالت توكلي على الله وربك يسهلها والحمدلله سوو العمليه واستيئصلو الانبوب بس والحمدلله على كل حال والحمدلله حملت بعدها بشهر واللهم لك الحمد والشكر وهذي تجربتي كااااامله لعيونكم وداعواتكم ربي يحفظلي اولادي ويهديهم امين يارب العالمين