حمامة نودي كاملة

??بصراحه ودي اساعد ولدك بس مااعرف انتي وش تقصدي ووشي الحمامه نودي اول مره اسمع بها!!!!!!

نشيدة للاطفالللللل

مااعرفها بس شكلها حلوه

الله يخليه لك

حمامة نودي نودي..... سلمي على(اسم)
(اسم) راح لمكة.... يجيب ثياب العكة
ويحطها في صندوقي
صندوقي ماله مفتاح
والمفتاح عند الحداد
والحداد يبي فلوس
والفلوس عند العروس
والعروس تبي عيال
والعيال يبون حليب
والحليب عند البقر
والبقر يبون حشيش
والحشيش فوق الجبل
والجبل يبي مطر
والمطر عند الله

قوم صل... لا والله!!
قوم تغدى... ايه والله!!

(اخر بيتين مثل تعجب للي يهتم بالدنيا اكثر من الأخرة)

هذي النشيدة تناقلنها من جداتنا... بس يمكن تختلف الكلمات من منطقة لأخرى

الف الف شكر لك يا اختي والله ولدي عمره سنة و9 شهور يموت فيهه