انا اكره احمم الاطفال المواليد اخااااف
بس اجيب الطشت حق المواليد ثم افرش فيه منشفه طبقتين
واجيب كوب بعد ما اعدل المويه احط الطفل وافرك جسمه واشطفه بالكوب واخر شيئ شعر راسه ودهني حواجبه واطراف اذونه وانفه بالفازلين
وادلك واشطف
حبه حبه
بالغرفه ما اطلع منها انشفه وادهنه والبسه بسرررعه ثم اكوفله ارضعه وينام
لان الطفل خطر عليه تغيير حراره الغرفه من غرفه لغرفه ممكن يجيه التهاب اذن او حلق جاء ولدي وتعبببت معاه وعمره اسبوع ما يعطون علاجات والسبب حممته وطلعت فيه من االغرفه لغرفه ثانيه
انا ولاداتي دائما شتويه

حبيبتي كل ماحممتيه اكثر كان افضل ينظف ويكبر بسرعه

حرام تخلينه كذا يوم بدون لا يتحمم خصوصا انه يستفرغ وينزل على رقبته ويتوسخ!

كنت احمم بنتي من طلعت من المستشفى يوميا وكان وقت شتاء بعد
بس كنت ادفي الغرفة مرة كويس واجيب البانيو الخاص وموية دافية والموضوع ماياخذ مني عشر دقايق بسيط وسهل جدا

روحي سنتر بوينت او مذركير او اي محل اغراض اطفال واختاري بانيو يكون فيه فوقه سفنج او شبك او اي شي ينام عليه البيبي ومايخليه يتزحلق وقت التحمم

انا كان عندي واحد مرة ممتاز وفيه زي الشبك ماعرف لو تلاقينه الحين بسنتربوينت

بوريك صورته





وهذا رابط الموقع في مقطع فيديو وفي صور ثانية لنفس البانيو

http://www.walmart.com/ip/The-First-Years-Newborn-to-Toddler-Tub-with-Sling-Pink/14254249

سنفورة الحلوة ردك مية مية

الطفل المولود يحتاج حمام يومي لين ثلاث شهور ع الاقل يعني ليما يصير يتحرك زين و يتهوى زين يعني يدخل الهوا في ثنيات جسمه زي الرقبة عشان ما تطلع له ريحة مع الكتمة و الرطوبة و هو صغير و ملفوف

تخيلي ولدي جبته خديج اقل من كيلو و لما طلع من المستشفى كان كيلو و 700 غرام و الله كبر كف اليد و انا بكرية ما اعرف احمم بيبي اساسا فما بالك هالحجم و بعد كنت خلصت الاربعين و رجعت بيتي بس يوم طلع امي الله يطول عمرها حممته قدامي مرة و تعلمت و خلاص

بعد تخيلي بالحضانة كانوا الممرضات كل يوم يحمموا البيبيات و هم خدج كلهم يا حرام
و الممرضة الهندية المسؤولة عن ولدي قالت لي لا يجلسوا الناس يقولولك حرام صغير لا تروشيه يتعب
بالعكس روشيه كل يوم عشان يبقى نظيف و الدورة الدموية تمشي عدل و يكبر أسرع و زهم شي المكان اللي تروشيه و تلبسيه فيه يكون دافي عشان لا يتعب هذي اهم نقطة و بقيت كلمتها ترن بإذني بكل عيالي

عن نفسي البيبي احممه يوميا لين ستة شهور مو ثلاثة و بعدها احممه يوم ورا يوم غالبا و مرات يوميا حسب نظافته و تخبيصاته :)
لان الصدق كل ما اروح زيارة او اشيل طفل غالبا تذبحني ريحته و شعره مزيت يا حسافة الكشخة اللي امه تعبانة فيها و هو ريحته شينة و رقبته مليانة لفايف سودة متجمعة و أذونه وسخانة الصدق غالبا اشوف البزران كذا
و التمسيح بموية بدون حمام تصير ريحة البيبي مو حلوة ابدا مدري تدي ريحة مميزة زي الرطوبة مو حلوة

المهم
كيف احمم البيبي
طريقتي شوي مختلفة عنكم

اولا افصخه هدومه كلها طبعا

بعدين الف جسمه مع يديه بلفته القطن اللي كان لابسها اخر شي يعني ما يبان الا راسه

احط الاسفنجة الكبيرة في المغسلة اكون حاطتها و مجهزة الموية بالحرارة الدافية و حاطة صابون بالليفة الناعمة حقت البيبي و حتى علبة الشامبو فاتحتها و مجهزة غياره و كريماته كااااملة .... كل هذي الحفلة قبل لا افصخه ملابسه طبعا عشان لازم تشتغلي بسرعة قبل لا يجيه برد

المهم البيبي ملفوف شيليه بيديك ووجهي راسه بس للمغسلة و يدك وحدة حول جسمه ممدودة لتحت راسه و الثانية تشتغل

ابلل راسه مع وجهه بالموية خيف بعدين نقطة شامبو و اشطفها بسرعة بس فيه ملاحظات علمتني الممرضة الهندية
يدك يكون محوطة راسه و اصبعك السبابة و اللي جنبها كلوحدة سادة اذن عشان لا تدخل الموية
و يدك اللي تغسل راسه شوي افركي ورا اذونه و انتي تغسلي شعره عشن لا تتجمع الاساخ ورا الاذن
و الصابون المفروض ما يوصل وجهه بس موية شوية

كل هذا و البيبي لسة ما حطيتيه على الاسفنجة

الحين حطيه على الاسفنجة و فكي اللفة و ابدي اغسلي جسمه من قدام و وررا

و منشفته حاضرة جنبك لا تطلعي من الحمام الا ماسحة وجهه و صدره و منشفته ع السريع و ملفوف كله بالمنشفة و لبسيه بسرررعة

طبعا نفس الخطوات لو في البانيو لخاص فيه في الغرفة عادي

هذي الطريقة للبيبي اللي ما يتحرك لثلاث شهور يعني لان بعدين اصلا حركاته كثيرة ما يمديكي تشيليه بيد وحدة
بعدين خلاص ما يحتاج تلفيه و تشيله على طول نيميه و اشتغلي :)

الكلام كثير يوهمك انها شغلانة بس الدعوة كلها من تفصيخه لين تلبيسه ما تاخذ و لا عشر دقايق و الله

اصلا البيبي المولود خصوصا ما يروق الا اذا تروش كيف تسيبيه خمس ايام بدون ترويش !!!!

اي صح نسيت

اكون مجهزة رضعة يانسون او كراوية دافية قبل الحمام لما اخلص تلبيسه و كوفلته اعطيه الرضعة طوالي عشان لو جاه برد يطلع و على طول ينااااااااااااااااااااااااااام