حمام المشب وانتم كرامة

السلام عليكم ورحمةالله وبركاته
بالبداية احب اشكركم لاني استفدت من مواضيعكم كثيييييييير جدا
وعشان كذا كل ما وجهتني مشكله في البيت اجي هنا والقا لها حل
فجزاكم الله خير
الشي الثاني انا عندي مشكله مع الله يعزكم حمام التابع لغرفة للشب وابي حل مناسب زي ما تعودت منكم
احن يجونا ضيوف كثييير
واغلبهم عزاب ويكونون لسا مستجدين عسكريه
وتعرفون مع الحر كيف الريحه
زوج جاب شامبوهات اشكال وانواع وجاب مزيلات لعرق وشفرات حلاقه بكميات كبيره وجاب مزيلات شعر وفوط صغيره وكبيره والذي منه
وحاطها في حمام المشب طبعا للشباب اللي يجونه يقولي ريحتهم تصرع الميت
وهم حرام مايباتون عندنا كثير على الخميس والجمعه بس ومو دايم
المشكله ان زوجي حاط الاغراض بكيس ومعلقها بمسمار ورا الباب
فاولا ماراح احد يفت الا الملقوف ولا راح يستخدمها لانه كانه مخبيها
ثانيا شكلها بشع بالكيس مره مو حلو
طبعا اقترحت على زوجي يفصل خزانه صغيره نعلقها وتحط فيها الاغراض بس ما رضا يقولي يصير زي حمام النسا
طيب ياحلوات ابي افكار حلوة اقدر اسوي فيها الحمام