أنا الحمدلله شعري حلو وعنايتي فيه عادية أهم شي عندي مايتوصخ ويزيت أغسلة بأستمرار ..... ومرة في الأسبوع أحط عليه خلطة زيوت روعة تقوي شعري وتطولة ولا قد حطيت حنا ولاسدر من أولى ثانوي ماأحبه وعندي فيتامينات حلوة ......
المهم ماشية أموري تمام ..... وترى ماقد حطيت على شعري لاأقنعة ولاحمامات زيت ولاشي ووش زينة ...
قبل فترة قالت لي أختي أنها أستخدمت دابر فاتيكا وأنه حلو ينعم الشعر جدا ويعطية لمعة ........
نسيت الموضوع لأني زي ماقلت لكم زيت عادي وفيتامينات والسلام ..... رحت للصيدلية أبي منها أغراض ولقيت دابر قدامي واشتري واحد كبير مغذي بالبيض والعسل والنخاع والخروع ....... وأخذة ريحتة حلوة وأحطة وأغسل شعري نعومة خيالية ولمعة .... وأقعد 3 أيام واغسل شعري الا الحمام أمتلى من الشعر خفت قلت يمكن من الأنفلونزا اللي جتني أسبوع وماكنت أكل فيها ...... وطول اليوم وملابسي مليانة شعر وأذا مسكتة أمتلت يدي والموكيت والمخدة أمتلوا ....... قلت ياربي وشلون كذا حتى بحملي ونفاسي ماتساقط كذا مع أنه كان معي فقر دم ...... ذكرت أنه من بعد دابر فاتيكا صار كذا وضاق صدري ودورت في النت لقيت بنات نفس معاناتي مع هالزيت ودعيت على شركتهم النصابة كلمت أختي أهزئها قالت أنا ماصار لي شي بعدين شفت حقها طلع موب الاصلي شاريته من هايبر العثيم ..... تخيلوا يابنات الأصلي دمار والتقليد حلو ....... يابنات حبيت أنصحكم علشان ماتطيحون في معاناتي ...
وأبيكم تقولون لي وشلون أوقف التساقط الله يجزاكم خير .....
بحط لكم الصور مع الأعتذار من صاحبتها .......
التقليد ........ بنات ماأبي أقطع رزق الشركة يمكن هو الأصلي بس الثاني هو المتعارف عليه ..... وهذا هو الزين من تجربة أختي ....... اللي ودتني نصيحتها في داهية ...
والثاني شين الحلايا اللي خرب شعري ...... الله يقطعهم هم ودعاياتهم اللي كلها نصب ....
بنات علموني وش أسوي في شعري .....
يهبل بصراحه ما سوى لي شي!!
يمكن ما ناسبك او قوي على فروة راسك