حمام ليلة العيد وووووواووووو روعه

صباحكم ورد ياحلوات

هذا ياطويلات العمر .. حمام مميز لليلة العيد بيخليك عروسه وانظف من النظافه نفسها وااااه بس الكل يجربه ويدعي لي

مالكم بالطويله جهزي الحمام وشغلي البخار حتبع جهاز الساونا او بموية السخان وخليه وروحي حطي بجسمك زيت زيتون وخليع نص ساعه ع بال مايجهز الحمام
وبعدين ادخلي الحمام وخليك الين يصير جسمك رطب من البخار وحطي ع كل جسمك صابون مغربي واوقفي قدام البخار اقل شي عشر دقايق بعدين غسلي جسمك بمويه دافيه وجيبي المبرد الكبير تبع الارجل ماادري وش اسمه بس ان شاء الله عرفتوه
( هاذي الطريقه اخذتها من وحده هنا بالمنتدى الله يسعدها يارب ناسيه اسمها) المهم افركي جسمك بالمبرد بس بخفه علشان مايتجرح جسمك
وشوفي البلاوي اللي بتطلع بعدها غسلي بمويه وافركي جسمك بصابون مغربي واذا غسلتي حطي الخلطه ع جسمك وهي اللي بتعطي جسمك نعومه وصفاء وتوحد لونه ( سدر - ملح الحليب- نيدو - طين - نص ليمونه - طحينه سايله- صنفره مشمش وشوية مويه) من كل واحد نص ملعقه خليها لو خمس دقايق بعدها غسلي جسمك وحطي مرطبك المفضل
والله العظيم يابنات ان هالحمام روووووووعه بكل ماتعنيه الكلمه
جسمك يصير فاتح ولونه واحد ونعوووومه خيال
ملاحظات:
- احذركم مية مره ماتفركوا اجسامكم بقوه لانها بتتاثر
- الخلطه بامكانكم تحذفوا اي شي ماراح ياثر كثير لانها كل شي فيها حلو
-ادري بتستغربون وقتي اللي متاخر وغلط بس تعرفون الكسل ورمضان ماشاء الله مر بسرعة البرق ومن زمان بنزلها بس انشغلت ومو مشكله لو تسووونها 2 عيد ههههه
- ادعولي ولاتدعون علي فديتكم
-انتظر ردودكم المشجعه علشان انزل بقية اسراري

وشكرا