احمدي ربج ان الاب مو الام اللي يجي منها هالتصرفات...اذا عليه فطنشيه ولاتقعدين معاه..يعني يوم يجي سلمي وطلعي من المكان اللي هو فيه..واذا تعرفين وقت قعدته خلاص لااتجين في هالوقت يعني تعالي لهم في الوقت اللي مايتواجد فيه...واذ سالج عن فلوسج قولي مادري...واستهبلي عليه

انا ابو زوجي لو رحت عندهم يجلس يسولف معي و يعطيني الفاكهه بأيده يقشرها لي و يأكلني في ايدي و كل شويه ينادي بناته شوفه مره اخوكم تبي شئ و ياحليله معاي و اول ما اروح يشيش زوجي علي و ينقد اسلوبي و لبسي و كل شئ فيني مكياجي مع اني ما احط غير كحل
بس ايش سويت صرت ما اروح لهم و لا أجتمع فيه و على فكره هو من الجماعه يعني قريبي
صرت اطنشه

اول ما قريت يل لجين تعليقك قلت هذي جاية تحرني .... وتقهرني ... بس بعدين ضحكت ... لكن صعبة ما اروح ... يسالوا فينها وليه ماجات يووه فيلم هندي... الله يعينا

نفس رد اختي "من بنات الريح"

الله يعينك يااختي مالك الاتطنشي وخليه يقول اللي يبي واصحي تشتكي لزوجك لانه مايقدر يسوي شي لان هذا ابوه وترى ماانتي لحالك فيه ناس يعانون معاناه من آباء ازواجهم بس مافيه الاالصبر

وادعي ان الله يسخرلك القلوب القاسيه

طوفي و لا تدققين وايد على كلامه حاولي انك تغيرين الموضوع او سوي نفسك تبين تستشيرينه مثلا من الناحيه الماديه علشان يحس انه مهم و انك معطيته مكانته وراها ممكن يغير معانلته لك