حماي حملني امانة انا مش قادرة عليها

السلام عليكم
حبيباتي انا في هم ما يعلم فيه الا ربنا
حماي وحماتي سافروا الاجازة شهر ونص وتركوا بنتهم 20 سنة بوحدها :( الله يسامحهم وهم عارفين انها طايشة كتير وحياتها كلها غامضة ................ لاااااااا وقبل ما يسافروا حكالي حماي البنت امانة برقبتك :icon28:
انا وزوجي الوحيدين اللي ساكنين فوقهم وباقي اولاد وبنات حماي بعاد ........... يعني احنا فقط القريبين منهم
حتى واهل البنت لما كانوا موجودين كانت تطلع وتغيب وما تسال في حد ودايما تحكي عند صاحباتها
لكن للاسف اللي فيه بحياته اخطاء ببان عليه
والان بعد ما سافروا اهل زوجي نامت مرة خارج المنزل ............ وبتغيب ساعات طويلة وازا سالناها بتزعل
وزوجي الله يسامحه ما بيعرف يتفاهم بالعقل............ بيحكي ازا بتدخل بيجوز اقتلها :icon33:
وقبل شوي نزلت عندها ما ردت لما رنيت الجرس....... وعالتلفون ما بترد بدي افتح بالمفتاح لانه اهل زوجي اعطوني مفتاحهم..... والا حضرتها حاطة المفتاح بالباب مشان ما حد يفوت مع العلم اني لا انا ولا زوجي بننزل كتير عندها .... يعني مش طالعين نازلين عليها حتى انها تحط المفتاح بالباب مشان ما حد يفوت لانه هي اللي بتطلع عنا ....... يعني ليش ما بدها اياني افوت ؟؟؟؟؟؟؟؟؟؟؟؟ شو بتعمل؟؟؟؟؟؟؟؟؟؟؟؟
انا على ضهري امانة بتهد جبال وانا صراحة مش قادرة على البنت
لما اسالها بتحكي تساليش وتدخليش
والله اهلها مش قادرين عليها .......... المصيبة اننا في بلد اجنبي يعني الاهل ازا بيشدوا عالبنت شوي يا بتهرب او بتجيب لاهلها الشرطة
والان مش قادرة الا ادعيلها الله يستر عليها ويمضي هالشهر على خير حتى يرجعوا اهلها
مش قادرة اتصرف معها
شوروا علي الله يخليكم