حماي طلق زوجته

السلام عليكم

حماي طلق زوجته من شهر تقريبا وعنده منها ولد عمره 3أشهر وزوجته الله يسامحها قطت الولد على ابوه تقول ماابيه انا صغيره ومااقدر على مسؤوليته ( عمرها 18)
ولدهم عند خالتي (ام زوجي) والله حاله يقطع القلب
ما الوم خالتي مره كبيره ومافيها حيل تهتم فيه وابوه يايب له شغاله مخصوص له بس الخدامه مهمله و وسخه حيل
والله جم مره اروح بيت خالتي اشوف الولد مو نظيف ومدري حفاظته من الساعه جم ماغيروها وغير هذا ريحته زفررررره ولونه ويه اصفر

المهم
انا عندي بنت عمرها 4 أشهر ويبتها بعد علاج( العيب مني ) ومادري بييب غيرها ولا لا
والحمدلله على كل حال
والله كل ما ارضع بنتي اغسلها اغيرها الاعبها ايي في بالي ولد حماااااااي
شقاعد يسوي الحين ويمكن نام بدون محد يغير له ويغسله ويمكن يبجي يوعان ويمكن ويمكن
فصارلي اسبوع اروح بيت عمي اطمن عليه اغير له وارضعه واغسله واهدد الشغاله اني بمر بالليل وما احدد لها وقت عشان تخاف وتهتم فيه

اللي ابي اوصل له من كلامي اني صارلي مده افكر اني ارضع ولد حماي مع بنتي عشان يحل علي واربيه
بي مادري ليش خايفه هالشي
مو خوف اني ممكن امل او اتعب
بس خااايفه
طرحت هالفكره على زوجي ورضا بس قال الموضوع يرجع لج انتي وفكري مليون مره وانا مو عيزان عن ولد اخوي
استخرت اكثر من مره بس مادري ساعات احس براحه وساعات خوف
فكرت ان ممكن امه تيي بعد جم سنه وتاخذه وانا راضيه خل تاخذه انا ابي مصلحته
بس فكرت اني اشرط اذا ابوه تزوج ماياخذه مني ولو اني ما اضمن ان ممكن يوافق في البدايه وبعدين يغير رايه

اننا متمسكه بفكرتي اني اخذه وضامنه موافة ابوه وخالتي
بس محتاجه اسمع اراء يمكن في شي انا غافله عنه



انتظركم