السلام عليكم ورحمة الله وبركاته..
أغلبنا يسوي حمسات واليوم يبتلكم أربع حمسات يمي لذيذة ودايم أسويهم..
هاي صورة جماعية لهم وطبعا فيه غيرهم الكثيرررررررر.. بس اللي معتمدتنهم أكثر شي وأحبهم هذول..
.
الأولى: حمسة بطاطس مع فاصوليا..
نحمس بصل جوانح وثوم وزنجبيل ونحطي عليهم البهارات وأهمها الكاري والكركم والكمون والملح وحبوب الخردل والفلفل الأحمر المجروش.. ونضيف ورق الغار.. بعدين نحطي البطاطس المقطع مربعات والمسلوق مسبقا.. وبعدين نضيف الفاصوليا ( أحب المثلج أكثر عن الفريش ) والطماطم ونحمس لين يلين الكل ويختلطون مع بعض.. وتقدم مع الرز بالشعيرية أو الأبيض أو الخبز..
.
الثانية: حمسة باذنجان يم يم ..
نحمس البصل مع الثوم.. نضيف البهارات المفضلة عندكم مع الفلفل الأحمر المجروش والخردل وورق الغار.. بعدين نضيف الباذنجان ونخليه ينجمس معاهم شوي ونضيف شوية ماي عشان لاتكون الحمسة ناشفة وايد.. ونتركهم يتسبكون ونقدمهم مع الرز الأبيض أو المجبوس أو بالخبز.. بكل الحالات حلوة..
.
ثالثا: حمسة التونة بالبطاطس..
نحمس البصل والثوم والزنجبيل مع البهارات المفضلة وورق الغار.. نضيف البطاطس المقطع مكعبات صغيرة والمسلوق مسبقا ثم التونة والطماط المفروم.. نعدل الملح ونتركهم ينحمسون ويقدم مع الرز.. يميييييييي
.
رابعا: حمسة الفطر مع الطماط..
نحمس البصل مع البهارات والخردل وورق الغار.. نضيف المشروم والطماط وشوية من معجون الطماط.. ماتاخذ الحمسة وايد لأنه الفطر يستوي بسرعة.. وتقدم مع الخبز أحلى شي.. مع الخيار والطماط..
وبهالرابط حمستين منزلتنهم من زماااااااااااان.. اذا حبيتوا شوفوهم..
حمسات خضار x خضار وبنص ساعة كل شي جاهز يمييييييييييي
وربي يعطيكم العافية..
.
يعطيك العافيه