شخبااركم يالطباخات الماهرات .. إن شاء الله كويسيـن ..
أنـا اليوم سويت طبخه حلوووة .. وأول مررة أسويهـا .. الطريقة من أمي الله يخليـها لي يارب ويطول بعمرها ..
وطبقتها .. والطططططعم ييمي يميي :o.. وإذا حبيتوا تتأكدوون .. الصور بتثبت لكم وطبقوها وشوفوا كيف طعمها وشلون ..
مااطول عليـــــكم ..
¤المقادير¤
دجاجة كاملة .. بصل مفروم .. طمام طري
البهارات( ملح خشن , فلفل اسود واحمر ,بزار ,لومي اسود , علوب فلفل ..)
ومعجون طماطم .. (دجاجة كاملة عليها كرتون واحد طماطم*معجون الطماطم*)
¤الطريقة¤
ننظف الدجاجة ونغسلها .. ونعزل أجزائها من الصدر والفخوذ و.. ودخليها بالثلاجه ..
نفرم البصل ونقطع الطماط مكعبات .. نحمسهم بالزيت وشوي دهن بقرر .. نرشهم بالملح الخشن عشان بسرعه يذوب .. ونضيف لهم البهارات مع علوب الفلفل(انا حطيت 2 )
.. ونخلطهم شوي وبعدين نغطي القدر .. ونصغر النار .. ونستنى لما يذوب ..
وبعدين نضيف معجون الطماطم .. ونحركه ..
بعدين نطلع الدجاجه من الثلاجه ونضيفها للقدر وتحركينها شوي .. وشيكي على الملوحه اذا يبيلها رشي ملح على حسب .. وتطغينها بالقصدير .. ونحط الغطاء .. وخليها على نار متوسطة ..
وكل شوي شيكي عليـها ..
ملاحظة لاتضيفين الماي .. لان الدجاج راح تطلع ماي .. واذا أحتجتي تصبين 1 كوب ماي ..
لاشفتيها نضجت واستوت ¤قدميـها¤..
أما هذي حقت امـي ..
أنتـي براحتكـ حبيتي تاكلينها مع الرز الأبيض او مع الخبز ..
وقدمت وياها الزبادي وحكيت عليه الخياار ورشيت فوقها النعناع .. وخليتها بالفريز عشان تبرد وقدمتها مع حمسة الدجاج .. نسيت اصورها ..
وعــــــــــوافي .. دعواتـــــــــــــــــــــــــكم ..
تحيــاتي اختكم :cook:..
Silent Night