حمص و ترمس على كيفك

أخواتى انا لفيت المنتدى بصراحة ملقيت حد كتب طريقة حمص الشام او الترمس فحبيت اكتبه
حمص الشام
المقادير :
ربع كيلو حمص الشام - جزرة كبيرة - بصلة متوسطة معصورة - 5 فصوص ثوم مفرومين ناعم جدا - كوب صغير عصير طماطم - 2 ملعقة كبيرة صلصة طماطم - ملعقة صغيرة كمون - ملح حسب الرغبة
الطريقة :
- نقى الحمص جيدا و اغسليه جيدا عدة مرات و انقعيه من الليل فى الماء
- استعملى نفس الماء المنقوع فيه و ضعيه فى حلة على النار
- ابشرى الجزة او اسلقيها و اضربيها فى الخلاط و ضيفيها علي الحمص
- ضيفى الطماطم و الصلصة و البصل و التوم و الكمون و اتركيهم ساعة على النار
- افتحى الغطاء و تذوقى حبة حمص و حددى باقى قد ايه ليستوى و ضيفى الملح و اتركيه على النار فى الغالب هياخد ربع ساعة اخرى و ينتهى و السوى طبعا على كيفك يعنى فى ناس بتحبه مستوى جدا و ناس بتحبه متوسط
- عندما تريدى ان تشربى منه تاخذى كوب طويل و تضعى كمية من الحمص و الباقى ماء و ضيفى عليه ليمون و شطة و ملح و كمون حسب كل واحد ما بيحب على كوبه

الترمس

المقادير :
كيلو ترمس بلدى ( فى بلدى اللى فيه مرارة و مستورد بيعتبر سريع ولكنى افضل المر لان المرارة تعطى لذة فى الاكل اكتر ) - ملح
الطريقة :
نقى الترمس جيدا و اغسليه و انقعيه من الليل فى ماء و ثانى يوم اسلقية فى ماء بس لا تسلقيه جدا يعنى خدى حبة بعد ربع ساعة و شفيها بتتقضم معاكى و لا لا بعد السليق انشليه من الماء ( لا ترمى ماءه فهو مفيد جدا للشعر ضعيه فى زجاجة فى الثلاجة و عندما تغسلى شعرك اشطفى شعرك به )
بعد ذلك ضعيه فى ماء عادى و كل يوم ارمى الماء و ضعيه فى ماء جديد لمدة 5 أيام و بعدها هتكون درجة المرارة قلت و ضعى عليه الملح طبعا الملح حسب الرغبة لو حطيتى كتير و لقتيه حادق قوى ارمى الماء و ضعيه فى ماء جديد و لو كان ملحه قليل زودى له الملح و هكذا و طبعا عند الاستعمال بضيفى على طبق الترمس الليمون و الشطة لو بتحبى و احتفظى بالباقى فى الماء بتاعة او بدون ماء فى الثلاجة
و طبعا الترمس من الحاجات اللى منتشرة عندنا فى مصر فى العيدين و شم النسيم و الطفال و الكبار بيحبونه
اتمنى ان اكون قد اضفت شئ جديد