الو
اـــــــــــــــلو
اخت هبه احنا عالهواء
ماصارت ياخانوم انتي بتنزلين موضوع والا بتروحين عرس !!<<<المشرفه موب انا اللي يتكلم
اخلصي العضوات يحترون ماحد فاضي لك
احم احم
سلام ياحلوات وياشيون
صباحكوو ..مساوؤ...نهارو ....ضلاموو....مين يزود
قبل ابدا ابي اعلمكم اني جديده بهالقسم وماعندي مناعه ضد السب والشتم والرشق بالحجاره وتفال وسعابيل بعض العضوات وبموضوعي الاخير صارت فيه حرب عالميه رابعه في الردود <<مافيه وفيات تذكر >>وانحلت الازمه بمعاونه بعض من السديقات <<صديقات>>الغاليات
بنتكلم عن البلاك بيري ومارح اذكر مساؤه ولاميزاته انا بابوح بشئ مهم لكم جميعا
تعريف البلآك خكيري لغه : آخر أخترآع توصّلـو له مهندسين الغرب لتسهيل المغآزل بين الطخمآن والبنات الحسآسآت
تعريفه في المصطلح العلمي : جهآز فيه خدمه ينقآلهآ البي بي ورمز pin اللي حاطه زوجي بتوقيعه بالمنتدى و بدريشة سيارته الهمر <<الكلام ببلاش
قبل استطرد بكلامي ابي تعرفون شخصيه تاريخيه الا وهي بنت اختي عمرها 17 مهايطيه من الدرجه الاولى وكل يوم وهي مسببه لنا مشاكل جت عند اختي تقول يممممممه انا تخرجت وابي بلاك بيري وبنت عمتي عمره <<لاحظوا الاسم عندها بلاك بيري وانا لواني بنت شغاله وماتشترون لي !!!
يوم انها قالت بلاك بيري واتذكر وين سمعت الكلمه هذي ....مرت علي بس مدري وين ؟؟؟__بحكم اننا في قريه ماكنا نهتم بجديد الموضه !!
ويطري علي جهاز شفته مع وحده من جاراتي جلست عندي تقريب 12 ساعه على قهوه حريم وماتكلمت بحرف واحد ماغير تطالع بجهاز مخيس بيدها هي ووحده ثانيه جنبها !!!
قلت يابنات انتوا مسيرين علي عشان نسولف ونوسع صدورنا والا عشان تغمزون بهالماخوذ اللي بيدينكم وتكركروون !!!
قالت وحده اللي يدري يدري واللي مايدري ينام بدري !!!
قلت لهاتطمني ماني بدجاجه مثلك انام علموني وش تسوون ضحكوني معاكم والاطحت من عيونكم عشان مالي بالتوكنولوجيا <<تعبت عالكلمه
وليتها ماعلمتني وربي سخافه ولولا السحا والحياء طردتهم من مجلسي لابارك الله في الساعه اللي عزمتهم فيها !!!
لا والثانيه لاطعتني ساعه واقفه بالدله على راسها تقول لحظه بالله اضيف بنت جدتي ظافره ازعجتني من اليوم تبي ايميلي !!!:09:
ميزات جهاز البلاك بيري
1-انك 24ساعه عيونك بالارض اشوف البنات بالمول كل شوي ولابد راسها بالجدار وينتج عن ذلك احتكاك بالرقبه والفقرات الظهريه<<ابو العلم اللي تعرفين
2-لاتقلقي عزيزتي من تكرفسك من اعلى درج السلم الكهربائي وتمزق عباءتك بل قومي بكل شموخ واكملي المحادثه !!!:42:
4-يازين جوالي ابو كشاف والرهيب خليته للزواجات !!
اخواااتـــــــــــــــــــــي
اناشدكم من على هذا المنبر
مدري عاد به صوت والا لأ
الو الو ون
تو
ون تو <<<تجرب المايك
انكم تعقلوووون وترجعون لنوكيا وانا علي الملازيم ان بنت اختي ماتشتري بلاك فيري الا بعد مااخذه انا بس بعد مايرخص:icon28:
لاهنتوا مقدما عالمرور