أم الوصايف :

السلام عليكم خواتي  انا بقولكم تجربتي وهي بتناسب الي شعرهم ضعيف ودهني وفيه قشره  واطرافه جافه متقصفه اول شي اعلموا ان دهون فروة الراس او البشره هو عباره عن رواسب او  سموم موجوده بالجسم  الخطوه الاولى نظفوا جسمكم من الداخل.... النت مليان خلطات لتنظيف الجسم ابسطها شرب ماي + عسل على الريق ... والاكثار من الماء خلال اليوم وبتلاحظون اول شي بشرتكم وفروة راسكم تحسنت وصارت صحيه  وتدريجيا بتخف الدهون الي هي سبب القشره والتساقط  الخطوه الثانيه سوا فحص هرمونات وحديد واذا عندج مشكله بالهرمونات يااما تعالجينها  بالادويه او الطريقه الثانيه الاسهل الحجامه سبحان الله لها دور كبير في تنظيم الهرمونات عن تجربه وبالنسبه للحديد فيه حبوب كثيره ترفعه بس الي انا فادتني فيرومغلبين وطبعا تاخذون الحبوب مع الوجبات وتشربون وياها عصير برتقال لانه يساعد على سرعه امتصاص الحديد ولا تقتصروا على الحبوب فقط دوروا الاغذيه الغنيه بالحديد وكلوها  الخطوه الثالثه  اذا كان شعرج تعبان ومرهق ومتقصف ومتنيل على عينه نصيحه قصيه قبل تبدين الحمله هاذي ويفضل لو تقصيه قصير الخطوه الرابعه هنا يجي دور الخلطات والمنتدى مليان منها بس نصيحتي للي شعرهم دهني لااااااااااااا تستخدموا الزيوت لفروة الراس لانها تضعف الشعره وتؤدي تساقطها .... تقدرون تستخدمون الزيوت في اطراف الشعر بس مب ف الفروه    سوا لكم تونك من مواد طبيعيه واستخدموه الخطوه الخامسه ادعي دوم وتصدقي بنية شفاء شعرج هذي نتيجه تجربتي ماشاءالله والحمدلله شعري تعدل كثير صار صحي والكل ملاحظ بس يباله اهتمام زياده وخلطات ويرجع مثل اول واحسن  اذا استفدتوا من تجربتي لاتنسوني من الدعاء

السلام عليكم خواتي  انا بقولكم تجربتي وهي بتناسب الي شعرهم ضعيف ودهني وفيه قشره  واطرافه جافه...