اخواتي حبيت افتح هالموضووع بعد موضوع الاخت ام رغد الامورة لاني رحمتها الصراحة وجاتني مسجات
ع الخاص يأيدوون الفكرة ويبون يعرفوون اسرار الجمال الخفي لبعض النساء ما اقول الجميلات لا ابداً هم صنعوا
جمالهم بيدهم وجملوا أنفسهم بأنفسهم وصاروا ملكات جماال ...
الدرس الأول :-
طبعاً بالبداية لابد ولابد ولابد أن يكون جمالك روحي يعني اخلاقي وبالاصح ديني .. إذا كنتِ جميلة دينياً راح
تكونين جميلة أخلاقياً .. وإذا كنتِ جميلة أخلاقياً راح يحبووكِ الناس وتكونين بنظرهم جميلة ورائعة ..
والاهم من نظرة الناس لكِ لازم تكون نظرتك لنفسك ... أنكِ جميلة ورائعة وكشخة وعززي ثقتك بنفسك بكذا
صدقيني حتى اللي حولك بيشووفونك جميلة لانك انتي اعطيتيهم انطباع عن نفسك انك جميلة وحلووة ..
اذكر مشرفة الله يذكرها بالخير كانت تقوول لنا باجتمااع ليش مبوزين ؟ ليش مكشرين ؟ اضحكووا للحياة
ابتسمووا اعطوا الحياة والناس انطبااع جميل عن انفسكم .. ردت وحدة ماعرفها بس كأنها شايلة هموم الدنيا على
راسها ومن منا لا يخلوو بيته ورأسه من هموم !!
ردت المعلمة قائلة : استاذة شكل حياتك مثالية زيادة عن اللزوم .. وتبين نكون مثلك .. بس احنا حياتنا كلها زفت وطين
و.........و.........الخ مشاكل البيت والعياال ..
أعجبني رد المشرفة الفاضلة : حبيبتي .. انتِ كذا اعطيتي انطباع للدنيا وللعالم اللي حولك انكِ انهزامية ....جبانة
ما تقدرين على المسئولية .. لازم تقوين نفسك والضربة اللي ما تكسر ظهرك تقويه .. لازم ترددين بينك وبين نفسك :
أنا جميلة .. انا حلووة .. انا كشخة .. انا مافيه مثلي بادارتي لبيتي وتربية عيالي .. مافيه احد مثلي ابدا ..
وأنا اضيف : مافيه أكشخ مني ولا اجمل مني ولا احلى مني ..
وصدقووووني من اربع سنوات ليومكم وانا حاسة هالشعووور الرائع ..
تصدقوون اني قبل اروح المدرسة لازم ابدل ملابسي ست او سبع مرات !!!
رغم اني كاويته ومجهزة لبسي من الليل مع الاكسسوار حتى تسريحتي مخططة لها من الليل مع الشنطة والجزمة الله
يكرمكم بس ما ينفع ...
ابدل والبس واوووقف قدام المراية يمكن نص ساعة حتى اتأكد ان لبسي وشكلي ضاابط ويوم
اروح المدرسة والله العظيم يحلفوون زميلاتي اني رايحة كوافيرة ..
غيري احساسك وشعوووركِ انك قبيحة .. انك سمراء .. انك مو كشخة ولبسك مو هذاك الزوود .. لا اللبس من
لبااسه على قولتنا يالبدووووووووو
حسسي نفسك ان العالم كله يناظرك ويشووف حركاتك ويراقبك ويراقب جمالك ..
حسسي نفسك ان حركة عيونك لازم يكون لها جاذبية تسحر اللي حولك .. مثلا كنتي بمجلس او حتى بالفصل او كنتِ
سهرانة قدام التلفزيوون وناداكِ احد بهمجية عفواً بصوت عالي وكان وجهه مقابل لوجهك ..!!
لحظتها لا تردين بصراخ وبنفس مستوى الصوت لا ناظري بطرف عينك وارفعي رمشك شووي شوي طبعا تكون
رموشووك لا تخلوو من لمسة الماسكرا السحرية وبشووية دلع اللي قدامك بينلجم ما عاد يقدر يناديك :)
عيونك لازم يكون فيها شوية لمعة فيه قطرة بالصيدلية اسمها بيزلين تجنن تخلي عيونك تلمع اظن اسمها كذا كنت استخدمها
قبل فترة بس بعدين غيرت واخذت علبة قطرة فاضية وعبيتها مويا ورد وقبل اي مناسبة او قبل النوم انقط نقطة وحدة
بس بكل عين وبكذا تصفي عيونك من الاحمرار وتبيضها وتخليها تلمع زي عيون القطووة ..
اذا ما اعجبكم موووضوعي عادي قولوا
لا تستحون والوجه من الوجه ابيض :)
واذا اعجبكم صوتواااا بالتثبيت حتى مو كل شووي اجلس ابحث وادوورهـ بين المواضيع وانا تعمدت اطرحه هنا
لان اغلب الحريم يشتكون من عدم الاهتمام او نقص الثقة بنفسها اللي تخليها ترفض جمالها الداخلي وبكذا محد يشوف
جمالها الخارجي ..
راح انزل لكم .. لبسي والالوان اللي لازم نلخبطها مع بعض وتعطينا منظر وووواااااااوووووو جوناان
شلون انظف بشرتي قبل موعد طلعتي بنص ساعة ؟ وكيف اعطي انطباع للي حولي اني جميلة واعكس جمالي
الداخلي على اللي حوولي .. كيف انسق لبسي وانا ماعندي الالوان المناسبة يعني البعض من الاخوات تكنسل طلعة
او سهرة او تمشية او عزيمة او حفلة بس لان ماعندها شنطة وصندل طقم لبسها .. يعني طقم الفستان او التنورة والبلوزة
طيب انا عندي حل لكِ ... بخليك تخلطين كل الالوان مع بعض ولا شي طقم بعضه بس راح يخليكِ قمر ولبسك روعة
وشكلك ارووع .. بس شوية مخ وذووق وتصيرين احلى واحلى ..
تحيااتي لاخواتي بنات حواء يالله نبدى بالتصويت يا قمورااااااات مين معايه نكمل والا نكنسل ؟ ارفعي اصبعك السبابة
وبدون ازعاج .. اللي تقول انا يا ابله ما راح اقومهاا ...
نبدى :-
هنا الدرس الثاني :-
http://forum.hawaaworld.com/showthread.php?p=45554104#poststop