موضوع رائع

موضوع رائع تشكرين عليه ونشكر كل من شاركت
لكن ياليت تفصل الردود عن المشاركات الفعالة للموضوع

ولااروووووع هذه المواضيع التي تستحق المشاهده والرد كملي

يا حبوبات يا حلووات مشكورين ع الردود القيمة والرائعة واللي ترفع المعنويات بجد حسيت فعلا قيمة للكلام اللي كتبته وراح اكتبه


وابشركم بس خلووني انظم افكاري وصووري وكل شيء راح اعيد صياغة الموضووع بشكل احلى واسرع وارتب بحيث انك


تقدرين ترتبين افكارك وترتبين نفسك وشعرك وشكلك مرة وحدة وتحفظين الرابط بدون ردود وبدون تعديل ولا شيء 2




الدرس الثالث :-


تكلمنا بالدرس الثاني عن اللون الاسود وايش اللي ينفع معاهـ من الوان الاكسسوارات والصندل والشنطة بس ما تكلمت عن الميك اب

ولا التسريحة ولا الاظافر !!


طبعا مو شرط اني اذا طولت اظافري بتكون روعة والمناكير يكون حلوو !! لا بالعكس فيه بنات اظافرهم طويلة بس مقززة مرة

وانا كربة بيت وأم وراي طبخ ونفخ وغسيل او معلمة مربية اجيال او إمرأة عاملة عملي يحكم علي اختلط مثل الممرضة او طبيبة او بالريسبشن او بالمطار او.............. انا اتكلم عن وظائف المرأة تكون احيانا مضطرة تظهر يدينها والكل يدري عن الحلال والحرام

فرجاءاً لا تدخلوونا بفتاوي وتجي وحدة تقول شلون ممرضة والا بالمطار شلون تطلع يدينها ؟ والا ليه ما تلبس جونتي ( قفازات )

بقولكم ما لنا حكم على احد والحرام بين والحلال بين وكل وحدة ما وصلت للمرتبة هذي ولا توظفت الا ومعها شهادة وتعرف الصح من

الخطأ بس احنا كثير نشوف ممرضات او اي وظيفة ثانية ما يلبسووون جونتيات ويدينهم باينة الا من رحم ربي

فالبعض يدها عادية وماهي ملفتة للنظر واقولها جزاك الله الجنة والبعض الله يهديها تزينت بكل ما اوتيت من قووة وبذلت مجهود وبقووة

حتى تزين اظافرها مناكير ولمعة والا يدينها تلق لق !! بياض ونعومة تجنن ولابسة لك اكسسوارات ووااوو تاخذ العقل


الصراحة انا من النوع اللي اذا طلعت لمكان اول ما يلفتني بالمرأة يدينها واذا شفت يدينها مغرية وتهبل اصررف زوجي بسرعة

وما اترك له مجال يتعامل معاها البتة هع هع هع


المهم نجي للزبدة اظافرك لازم تهتمين فيها الصراحة كريم سودو مع نقطتين زيت اللوز المر قبل النوم يخلي يدينك ناعمة ويشيل السواد

بس تدريجيا طبعا سواد المفاصل لانه اتخيل وحدة مزينة اظافرها ومتعبة عمرها ويدينها الحمد لله والشكر لا نعومة ولا بياض ولا منظر

يستحق اني امنكر وازين

قبل لا تنامين حطي من سودو مع زيت اللوز المر واظافرك بس دلكيها بليمونة افركيها بقووة واذا طالت اظافرك شوي وحبيتي تبيضينها


من داخل مثل كذا مثلا








عادي هذا قلم ابيض حتى ابو ريالين الحين يبيعه بس من داخل كنك تكحلين عيونك اكحلي اظافرك من جووا وافركيها بالبياض لما يجي

اللون اللي تبينه يعني ابيض فاتح او غامق والبسي لك كم خاتم بيدينك وموضة الخاتم اللي يجي بالاصبع الاوسط قديم مررة والا

اللي تجي لابسة خاتم اكسسوار كريستال لمعته تشوفينها من بعد كيلووو ووووع قديم مرة خذي لك واحد مو ناعم ولا خشن بس خليه

يلمع بس بروقان واذا ما تبين الكريستال اللي بالخاتم او حلق او تعليقة او حتى شنطة ما يطيح اول ما تشترينه امسحيه بطبقة ملمع

الاظافر المناكير الشفاف يمنع تساقط حبات الكريستال من الخاتم

نجي لكيفية اختيار لون المناكير والله انا مناكيري على مزاجي يعني البس لون واحط الميك اب والاكسسوارات والمناكير لون وراح

اوريكم الصور ان شاء الله ويشهد الله علي اني ما اشتريت شي جديد حتى اصوره ان اغراضي كلها عندي بس تأخرت بالتصوير

لظروف خاصة وراح اقولها لكم بعدين مو وقتها الآن ..

يعني لون المناكير يدل على ذووق رفيع وخصوصا اذا اخترتيه بعناية والحين جميع الالوان موجودة لا تقولين ما لقيت والا ما شفت والا

فلانة مدري من وين شارية مناكيرها ابد المحلات علة قفى من يشيل اشكال والوان بس الذوق والفرفرة بالسوق تجيب نتيجة وعلى فكرة


عمري ما طلعت مناسبة الا وانا حاطة مناكير اموت عليه احسه يعطي جاذبية لاصابع يدينك حتى لما تحركينها وانتي تتكلمين اللي يسمعك

راح ينذهل فيك والصراحة انا بوقت ( الدورة ) لازم يوميا المناكير باصابعي خصوصا اللون الاحمر بالبيت على يديني ورجولي

لزوم ( الاغراء ) هع هع هع عشان الرجل تخبرون نبي نجذب خخخخخخخخ

وعند زوجك ركزي على مناكير رجولك لاحظي اني قلت رجولك يعني منكريها باستمرار اذا ماكنتي تصلين وطبعا لا تنسين اضافة

الخللخال خصوصا اللي بصوت قدام زوجك لكن برى حاولي يكون بدون صووت انا عند زوجي البس اللي بصوت بس برى بدون صوت

والصراحة الخلخال مع المناكير مع خاتم كريستال حق الرجل ما استغني عنهم ابداً يعني البس الخلخال برجل والبس الخاتم بالرجل الثانية

ما تلبسينهم برجل وحدة والا بتطلعين ووووووووع *_^

نجي للميك اب طبعا هو يعتمد على ذوقك وعلى طريقة حطك له وكل وحدة وقناعتها بطريقتها انها صح يعني انا ماراح اشرح لك شلون

تحطيم مكياجك مستحيل لان كل وحدة لها اسلوبها وطريقتها بوضع الميك اب بس فيه أُسس للميك اب لازم ولابد تتبعينها قبل تحطينه

اللي منها لازم بشرتك تكون منتعشة شلون يعني ؟ انا بقولك شلوون !!

مثل ما سبق وكتبت النوم الكافي يريح البشرة وثاني شيء القناع وخصوصا قناع الثلج بس بعد القناع الاساسي اللي مثلا قناع الحلبة

المطحونة اطحني حلبة وبعد ما تغسلين وجهك بصابونة مثل صابونة دوف بالخيار او صابونة لوكس او صابونة الغار او اي صابونة

انتي تستخدمينها بالنسبة لي انا الصراحة استخدم صابونة انا سويتها بنفسي والان لي ثلاث سنوات استخدمها وما استغني عنها اللي هي

صابونة البقدونس .. اعملي عنها بحث بقوقل وبتلاقونها لاني نزلتها بكذا منتدى وانا الصراحة لقطتها من النت يعني ماهي من بنات افكاري


بعد الصابونة قناع وبعد القناع مكعبات الثلج

والاقنعة حقت الوجه تختلف على حسب البشرة وكل وحدة تسوي القناع اللي يناسبها بالنسبة لبشرتي حساسة ومو اي قناع يناسبني

قناعي المفضل من الصيدلية حتى قديم مررررررررررررة وبرضه راح اصورهـ لكم بس استنوا علي شووي *_^


بعدها حطي كريم عادي مثل فيراند لفلي او اولاي او جرجنز او جونسون اي كريم بس يكون مو اساس وبعده حطي كريم الاساس بس

خففيه شوي بنفس الكريم الاول اللي دهنتي به وجهك ولازم كريم الاساسا يكون على شكل نقط دائرية عبي وجهك وبعدين ابدي افركيه

او اذا حبيتي استخدمي الفرشاة بالنسبة لي الله يخلي لي يديااتي " على قولة الشووام "

بعد كريم الاساس نجي للشدو ولغير الناطقين بالعربي الظل او الروميل ( ياقدمي خخخخخخخخ )

عبي جفنك لون ذهبي فاتح او من الاضاءة البيضاء وبعدها حطي لون لبسك بس بشرط ما يكون اللون الدارج بلبسك يعني انتي لبسك

اخضر باورنج بفوشي باصفر ( مثلا يعني ) ابحثي ببلوزتك او فستانك عن اللون الخفيف اللي يادووب يكون ظاهر وحطي مثله شدو

وروج واعكسي لون البلاشر يعني الاحمر مثلا يصلح لون البلاشر اورنج او العسلي الناري والوردي حطي المشمشي الغامق

واذا كان مووف حطي وردي محمر مدري اذا فهمتوا علي او لااا وراح ادعمه بالصور بس بررضه انتظروني بعدين اسفة والله

وياحبذا لو يكون لون الشدوووو فاتح من الجفن كله وتعالي على طرف العين وعبي لون لبسك او مثل ما قلت لك اللون النادر او لون


اكسسواراتك ومناكيرك وصندلك


الالوان القديمة بالنسبة للمناكير والشدووو وبس حبيت احذرك منها هم اللون الاسود والابيض والبني الغامق وووع لما اشووف وحدة


حاطة روج بني اللي زمان كنا نسميه شوكولاته مدري الببسي وووع مررة مو حلوو وقديم يا امي فيه البني العسلي يجنن وحتى ما

يصير تحطين شدو بني وروج بني وبلاشر بني وشايفة انه يجنن وياويل احد لو ينتقدك والا يقول مو ضابط والله اقولها بوجهك لا تحطين

لون الشدوو والبلاشر والروج طقم ترى مو زين وقديم مرررررررة وانصحك لا تكثرين ميك اب البساطة حلووة بكل شيء الاشياء

اللي قلت لك عنها هي الاساس بس يبقى اللمسات النهائية

خلصنا من العين لا بااقي ترسمين حاجبك بالشكل اللي تبينه بس اللي تبي تغير شكلها لازم تبدى من حواجبها ماراح اقول شقري والا انمصي

لا مثل ما سبق وكتبت الحرام بين والحلال بين سوي اللي يريحك واخترعووا عجينة الحواجب شكلي حاجبك بالشكل اللي يعجبك بس

بعد الشدوو لانه راح يبقع شووي او يختفي من الحاجب شوي مكان الشدوو وبعد رسم الحاجب لا تنسين الاضاءة تحت الجفن بالضبط

اختاري اضاءة حلوة وتحت حاجبك ارسميهاا بفرشاة مخصصة بس للإضاءة انا اخذت الفرراشي من سنتر بوينت بعشرة ريال بصراحة

رووعة تجيك مليانة ريش تعبي العين بسرعة ولا تنسين تحطين شوي تحت رموش عينك السفلية بعد كذا الماسكرا واللي تبي تركب رموش

وطريقة تركيب الرموش سهلة بس ماراح اكتبها حتى ما اكسب ذنبك لان بعض الشيوخ حرموها والبعض حللوها المهم اذ ا كانت رموشك

قليلة تقدرين تكثرينها واللي انك بعد ما خلصتي من الميك اب حطي من البودرة حقت وجهك على رموشك بعدين ماسكرا بعدين بودرة

بعدين ماسكرا لما تحسين ان رموشك كثرت وشكلها طلع كثير ومرتب


خلاص خلصتي بس باقي اللمعة النهائية تجيك على شكل بلاشر ثلاث الوان ذهبي وفضي وابيض انا عندي الذهبي

والفضي لان الابيض ما اعجبني الصراحة وانثريه على وجهك بس على خفيف واذا كانت المناسبة كبيرة حطي منها

على يدينك وصدرك وظهرك

طيب نجي للروج وقلت لك الروج يكون مناسب للون الميك اب واللبس انا اذا كان لبسي لونه غريب احط احمر بس اللون

الحلوو بلمعة من ماكس فاكتر وبكتب لكم رقمه واصوره مرة ناعم ويعطيك لون احمر مررة يجنن مو احمر مخبص زي

حق مكياجي وبودي شوب ونكتار ومدري مين لا هذا مرة ناعم

طيب خلصتي من الميك اب وانتهيتي بخي لك بخة من مثبت الشعر على وجهك حتى يثبت ماكياجك بس من بعيد بخي

بخة وحدة بس

نجي للشعر عاد الشعر ياخذ مني كل وقتي التسريحة تعل القلب ماتدرين وش تسوين اهم شيء مشط البف اللي طايحين

به هنا بالمنتدى انا اول ما نزل اخذته من تاجرة عن طريق النت بـ 45 ريال وحلفت وتحيلفت انه امريكي اصلي

وانضربت بمخي واخذته بس ساعدني كثير بالمناسبات خصوصا الزواجات كانت ورى بعض وكثيرة ماشاء الله فمشط

البف سهل علي الامر مررة يعني بالعربي اذا ماعندك تطيرين الحين وتشترينه واقسم بالله اني لقيته بمحلات ابو ريالين

ونفس اللي عندي اخوهـ من امه وابوهـ ( خخخخخ توائم الدعووة ) خخخخخخ

بس فيه الوان ع حسب لون شعرك احمر بني ذهبي اسود

عاد التسريحة هنا تعتمد عليك ارفعي غرتك من فووق بشباصة صغيرة وبعدها ارفعي شعرك من فوق كنك تبين تفرقينه


من النص وثبتي المشط وبعدين نزلي شعرك وارعصي بووهـ شباصة والا بنس السودا الصغيرة وحطي فوقها بكلات

ورووود عاد الحين كل المحلات مليانة وروود شباصات وبكلات ولصق اللي تبين بس تفنني وخليك ذووويقة

وتصلح للشعر المجعد والناعم بس ترى اول مرة بتخرب وثاني مرة بتخرب وثالث مرة بتضبط نص انضباط ورابع مرة

ثلاث ارباعه والخامسة اوعدك تضبط مررة والكل بيسالك اي كوافيرة عملت لك البف هذا وياحبذا لو مناسبة كبيرة

خذي لك شرايط اللي تجي ذهبي وفضي ووزعيها على شعرك بعد ما تقصينها وتربطينها على شكل فيونكة صغيررة

وبشباصة صغيرة يطلع كل شي تووب

امممممممممممممم وش باقي بعد اهاااااااااااااا باقي رائحة الجسم لانه مو معقوولة تكونين كشخة من برى واللي يسلم


عليك ريحة جسمك ووع وريحة شعرك وووعين هذا بيكون درسنا الرابع


والدرس الخامس الالوان المتناسقة مع بعض واللي ماهي متناسقة وايش اللي نلبسه واللي ما نلبسه


استودعكم الباري حبوباااااااات واللي عندها اضافة او استفسار او انتقاد لا تحرمنا طلتها الحلووة يا احلى واكشخ بنات



ملاحظة سقطت سهواً :- ترى انك تلبسين لون ابيض صندل وشنطة وتنورة ووووع مرة قديمة بيضحكون عليك حشى لو نيرس وبالعامية ( سستر )
اذا دولابك به لون ابيض ماعدا القمصان عشان اللي يدرسون ارميه بالزبالة لانه مو حلوو وصار قديم

يعطيك العافية
تسلم الايادي