يا بنات كثرة خلط الأعشاب و الزيوت و التلطيخ ما تفيد كثر التركيز على شي يكثف و الاستمرار عليه ،

اللي تبي أمثلة على أشياء تكثف و أنا شفت عليها تجارب حيّة بفوائدها علي و على رفيجاتي الأشياء التالية :


حبة البركة تنقع في أي زيت يناسب شعرج أو تخلط مع الحناء ((( وقفت تساقط شعر يو لله الحمد )))


نواة التمر تنقع في أي زيت يناسب شعرج أو تخلط مع الحناء
((( ممتازة جربتها لرموشي مع الزيت طلعتهم و كثفتهم و سودتهم وطووولتهم بس للأسف وقفت ،
و ألحين برجع لها لرموشي و لمفارق شعري أبيها تنترس بيبي هير )))


الصبار وشفت نتايجه على رفيجتي كان شعرها خفيف و تبارك الرحمن صار الضعف و الشعره نفسها صارت ثقيلة،
وله طرق واجد أنا توني بديت أستعمله و طريقتي من مخي لأنها سهلة عليّ ... أقطع الساق و أطلع الجل اللي داخلها
و أضربه بالخلاط مع فنجال ماي ورد و أدهنه عالجذور جم ساعه تالي أغسله ، ماي الورد يخلي ريحة الخلطة تهبل ويخفف
من قوام الجل فيصير توزيعه سهل عالشعر و له فوايد للشعر ابحثوا عنه بقوقل أعجبتني فوايده.

طريقة رفيجتي باستخدام الصبار كانت كالتالي :

تقطع ساق الصبار و تقصصها ثلاث قطع

و تفتح كل قطعة من النص

و تجيب فص ثوم تفركه على الجل من داخل و ترمي الثوم خلاص

وتاخذ الصبارة و تفرك فروة راسها فيها

طبعا كل قطعة لمنطقة للشعر

يعني أول شي الجذور الأمامية للشعر

بعدين القطعة الثانية لنص الشعر

و الأخيرة للجذور اللي ورى فوق الظهر

غنجى حبيبتي ديري بالج ماء الورد يبيض الشعر هالمعلومه قريتها من طبيبة دارسه طب تكميلي

بنات انا بشرتي منطقة التي دهنيية مره يعني الجبين والانف
وانفي عليه نقط سوداء وشعر تكفون قولي وش ازين يعني بشرتي هي اللي تعرقلي في الخلطات
اللي تجااوب وتساعدني من واقع تجاربها راح ادعيلها
سؤال اخير متى ننزل الجداول؟؟؟

الله يوفقكم بنات ويعينا ويسهل لنا دربنا

عطر الورود ان شاءالله البنات يفيدنك


ارسلت لمشرفة حتي يقفلون الموضوع هذا
وافتح موضوع اليوميات
يعني اخر الليل او بكر بنزل الموضوع