حملة الخريجات العاطلات كلههههههههههههم

اكتب لكم هذه القصة لعل وعسى تستنهض هممكم
منقووووووووووووووووووووووووووووووووووووووول




كيف حالكم جميعا .............................؟؟

سأبدأ من دون مقدمات ........................................انا ان لهذا الظلم ان ينتهي
ياربي انت ربي وربها ورب هؤلاء الخريجات انصرنا ياااااااااااالله امييييييييييييييين

أنا بنت سعودية من عائلة كريمة درست مثل أي بنت في عمري
واجتهدت في دراستي ونلت حسب مجهودي نسبة جيدة جدا ومعي
بكالوريوس بالاضافة الى بعض الشهادات الأخرى ...
بعد هذا التعب أردت أن أحصد ثمار تعبي فسجلت في الديوان وطبعا
وأنا فاقدة الأمل تماما في الوظيفة لأنني صدمت باأن طالبات ذات نسب عالية
جلسن في البيوت سنتين وثلاث وأكثر..........
قلت سأجرب حظي في المدارس الخاصة وبدأت رحلتي في وضع اسمي في
كل المدارس الخاصة في مدينتي لم أترك مدرسة ولا روضة تعتب علي
وجلست أنتظر وكم كانت فرحتي كبيرة لأنني لم أنتظر طويلا فاتصلت علي سكرتيرة من احدى المدارس التي سجلت بهاوقالت لي انتي فلانة قلت ايه نعم قالت تعالي سوي مقابلة ............
وجيت وسويت المقابلة واعجبت فيني المديرة وكل شي تمام وبديت أداوم...
الى هنا كل شي حلو ............. ثم بدأت الصدمات تتوالى الي !!؟؟!!
أول صدمة لما سألت عن الراتب قلت كم الراتب قالوا 1500 ؟؟؟؟!!!!!!!
شدعوة لو اني سواق راتبي مو كذا الحين مربية أجيال ومدرسة ونص يومي برا البيت وهذا آخر التعب وش بيكفي أساعد فيه أهلي ولا أقضي حوائجي كأنثى ولا وش بالضبط..............
قلت يالله يابنت الحلال الحمدلله احسن من بلاش ..............
ثاني صدمة قالو بنخصم 150 تأمينات قلت الشكوى لله اخصموها
ثالث صدمة لما استفسرت هل في سواق لو بسعر رمزي يودي لهالمدرسة
قالو لا انتي دبري سواق ................!!
ورحت وسألت عن سواق طلع أرخص سواق يودي 200 ريال شهريا
هنا أنا بققت عيوني @@ قلت شدعوة شبقا من هالرويتب اهئ اهئ ....!!
بعدين شاورت نفسي قلت يابنت الحلال انتي طلابة خبرة يالله اخذلي خبرة
سنتين ويوظفوني الوزارة ..................... && !!
وبدأت المعاناة <<< ترا هالكلمة قلتها من قلبي معاااااااااناة لأقصى حد...
يكرفون المعلمة كرررررررررررف..........
المعلمة الحكومية اللي راتبها عالي ماسوو فيها كذا
من اجي نستلم مناوبه الساعة سبع مناوبة الفرص (( فرصتين )) مناوبة
أخر الدوام وكل معلمة نصابها شي فوق الطاقة من اداوم الى ان يخلص الدوام حصص ورا بعض مافي راحة واذا عندك يوم حصة فاضية خلوها احتياط اهئ اهئ اهئ <<< اعذروني تذكرت تلك الأيام الكسيفة ...
غير هذا كله ياليت بس تدرسين مواد تخصصك لا ويعطوني مواد
ثانية مالها علاقة بتخصصي وكل مادة من هالمواد مطلوب عليها وسائل واذا اشتكيت وقلت من وين الراتب قليل ومايغطي
ترد علي الناظرة انتي يعني اللي غير كل المعلمات كذا وهذا راح

يأثر على وظيفتك عندنا آآآآآآآآآآآآآآآآآآآآآآآآآآآآآآآآآآآآآآه بس ..

فوق هذا كله تكلمك الناظرة من طرف خشمها وكله تطلب وسائل وهدايا للبنات ....
على فكرة شفتوا باقي الرويتب يروح على الوسائل والهدايا حق الطالبات..
فوق هذا وهذا تجيك ولية أمر طالبة توريكي نجوم القايلة من كثر القرقة
تقولين شغالة عند بنتها مو معلمة وبعض من كل الكلام اللي سمعته من أولياء أمور الطالبات ::
شوفي لو سمحتي بنتي ماتقدر تشتري بالفرصة لوحدها أبي أي وحدة في المعلمات توقف معاها وتفكلها عصيرها والشوكلت حقها ..........
لو سمحتي بنتي تبي كل يوم تغير مكانها تعرفين طفل ويمل ....
لو سمحتي بنتي تقول طالعتني الأبلة بنص عين !!!!!
لو سمحتي اذا تقدرين بين الحصص تعملي لها تقوية وتساعدينها في الواجب ؟؟
المهم كنت أرد البيت وشغلي كله معاي يعني شغل بالمدرسة وشغل بالبيت والتحاضير لازم تكون طباعة والله ياناس كنت ارجع للبيت مكتئبة صؤت انطوائية وبس أبكي من ضغط المدرسة علي ضعفت صرت هيكل عظمي أبوي قالي يابنت الحلال ماتسوى عليك هالوظيفة استقيلي وكرامتك عندي أبدا من كل شي .................
واستقلت .....................
وقعدت فترة وطبعا انتم تعرفون الغلا اللي صاير ومتطلبات الحياة كثيرة وأبوي على قد حاله مارضيت اشوف ابوي على هالحال واسكت وبعدين بدأت قصتي مع وظيفة جديدة في دولة خليجية مجاورة وهي أساس موضوعي هذا
طبعا بعد التعب والمراجعات الطويلة والتي استغرقت شهرين من التعب
ومن وزارة التربية في تلك الدولة الى السفارة الى الملحق الثقافي الى الجنائية
الى المستشفيات تقريبا 3 مستشفيات تحاليل واشعات وتبصيم الى وزارة الخارجية الى الى الى الى اخره المهم ابوي تعب معاي تعب ماينساه ولا راح انساه انا بعد وطبعا في نص مراجعتنا يأست وتعبت وكنت بتراجع بس كسر خاطري ابوي اللي تعب معي وقررت اكمل المهم خلصت الاجراءات وتوظفت في منطقة بعيدة داخل تلك الدولة وسكنت مدينة سعودية قريبة من هذه الدولة الخليجية وطبعا وجدت الآلاف من الفتيات السعوديات في هذه المدينة يسافرن
كل يوم الى الدولة الخليجية مسافة 150 الى 250 كيلو متر واكثر وطبعا غير تعب الجوازات التي تفصل بيننا وبين الدولة الخليجية وطبعا كل يوم ننزل التطبيق نطبق جوازاتنا مرتين في الروحة ومرتين في الرجعة.....
المهم بدأت أداوم مع سائق سعودي انا ومجموعة من الفتيات السعوديات
نترك اهلنا وابناءنا ونقطع هذه المسافات من دولة الى اخرى طلبا للرزق
فبدأت العمل في مدرستي
لقد كانت مدرستنا فيها بعض المعلمات هداهنا الله يعاملننا وكأننا لاشئ هذا غير الاستهزاء والكلام الجارح مثل السكاكين علينا حنا السعوديات بالذات وهاذي بعض التعليقات المرة واللي احرجتني وذرفت الدموع على وسادتي ليلا حرقة على نفسي (( معقولة انتي سعودية ليش متوظفة هني معقولة السعودية مافي وظايف.--- الله يعينج مايسوى عليج هالمشوار كل يوم اللحين السعودية شكبرها مافي وظايف حق بناتهم --- وي صايرة السعودية مثل مصر ترسل بناتها يشتغلون برا -- وي الحمدلله اني من هالديرة عازتني ورازتني ومو مخليتني احتاج حق احد ))
ترا هالتعليقات اللي حطيتها لكم نقطة في بحر الكلام الجارح اللي نسمعه احنا السعوديات وكل يوم نشكي حق بعض ونبكي وماندري الى متى حالتنا كذا ؟؟؟؟؟؟؟؟؟
كانت ايضا هناك بعض الوافدات من جنسيات عربية وهندية وكانت بعض المواطنات يعاملنا هؤلاء الجنسيات وكأنهن خدم ............
ثم بدأن يعاملننا نفس المعاملة من النظرة الدونية صراحة تعبنا نفسيا وجسديا
وعقليا وروحيا تعبنا تعبنا تعبنا لا أبالغ اذا قلت اننا كل يوم نذرف الدموع حسرة على أنفسنا نحن من دولة افتخر بانتمائي لها ذات تاريخ عظيم وأغنى من الدولة التي توظفنا فيها ونعامل بهذه الطريقة السيئة جدا .............
لاتقولو لي اتركي الوظيفة ياناس ظروفنا صعبة ووظايف هنا مافي شنسوي شنسوي شنسوووووووووي ....................................؟؟
اقسم انه حضر لي موجه يشتغل بهالدولة اللي انا متوظفة فيها وهو من جنسية عربية وحضر حصتي امتدح حصتي وقدرتي العملية وتعاملي مع الطالبات رغم الضغط الكبير في الجداول والتعب الملقى على عاتقنا نحن السعوديات وقال لماذا تعملن هنا اذا كانت معدلاتكم في الجامعة رائعة ومستوياتكم في العمل رائعة ودولتكم مستواها المادي رائع ماذا تفعلنا هنا ....................!!
سؤال بالفعل لم أستطع الرد عليه ...................

فهل عندكم اجابة

لاحول ولاقوة الابالله

حسبي الله ونعم الوكيل والله يرزقنا من فضله بالوظيفه